3 D պաստառներ հյուրասենյակի համար
Հյուրասենյակի համար նախատեսված պաստառները կարող են լինել տարբեր ու բազմազան։ Ամենավառ ու արտասովոր տարբերակներից են 3 D պաստառները, որոնք ստեղծում են եռաչափ էֆեկտ։ Տպավորություն է լինում, որ նկարը ծավալային է։
Տեխնոլոգիաների զարգացմանը զուգընթաց դիզայներները սկսեցին ստեղծել պատկերներ, որոնք ունեին հսկայական խորություն։ Ծավալային նկարներն իրենց խորությամբ ընդարձակում են տարածությունն ու կարծես սենյակը ձգվում է դեպի պատկերի խորքերը։
Ինտերիերը կարելի է հեշտությամբ թարմացնել՝ խուսափելով երկարատև ու դժվար վերանորոգումից։ Ծավալային պաստառները չափազանց ընդգծուն ու արտահայտիչ են, ուստի այդ պատը պետք է զարդարեն սենյակի ամենակարևոր տարրերը՝ բազմոցը կամ հեռուստացույցը։
3 D պաստառներով կարելի է սենյակները հարդարել շատ կարճ ժամանակամիջոցում։ Եթե ձանձրանում եք որևէ պատկերից այն կարող եք փոխարինել մեկ ուրիշով՝ չփոխելով կահույքը, հատակի ծածկույթը կամ պատերի գույնը։
Այս պաստառները սոսնձելը շատ ավելի հեշտ է, քան այլ նյութերով պատերը հարդարելը։ Ընդամենը պետք է հեռացնել կահույքն այդ հատվածից ու զբաղվել պաստառներն ամրացնելու աշխատանքներով։
Տարբեր սենյակների համար գունային ընտրությունը այլ է։ Այս տիպի պաստառները ինտերիերի ամենակարևոր մասն են կազմում, հետևաբար պետք է նախօրոք մտածել, թե որ պատն եք ցանկանում լայնացնել պաստառի միջոցով։
Համակարգչային նորագույն տեխնոլոգիաներով հնարավոր է մշակել ցանկացած լուսանկար, նույնիսկ անտիկ հունական քանդակների լուսանկարները։ 3 D պաստառներով հնարավոր է հյուրասենյակը վերածել գեղեցիկ տեսարանով ու յուրօրինակ մթնոլորտով վայրի, որտեղ հյուրընկալվելը հաճույք կլինի։
Ժամանակակից 3 D պաստառներն անվտանգ են, հեշտությամբ են մաքրվում և պահպանվում են երկար ժամանակ։
