5 խորհուրդ գունավոր խոհանոց ունենալու համար
Նորաձև են ոչ միայն դասական ու վառ գույնի խոհանոցները, այլև դրանց անսպասելի համադրությունները: Գունային երանգով է պայմանավորված խոհանոցի ընդարձակությունն ու հարմարավետությունը:
Գույների համադրություն
Ամենապարզ տարբերակը սպիտակի և մուգ գույների համադրությունն է: Սովորաբար բաց գույնը օգտագործում են կահույքի վերին հատվածում, իսկ մուգ գույները՝ ստորին:
Հանգիստ գույների համադրություն
Ընդամենը մեկ գունային երանգ ավելացնելու դեպքում կարելի է ստանալ կահույքի հետաքրքիր տարբերակ: Պարտադիր չէ, որպեսզի կահույքի վերին հատվածը լինի բաց գույնի: Եթե վախենում եք ինտերիերը ծանրաբեռնելուց, ապա օգտագործեք միևնույն գույնի տարբեր երանգներ՝ նախընտրությունը տալով պարզ ու ժամանակակից անփայլ մակերեսով կահույքներին:
Վառ գույներ
Վառ գույները կարելի է համադրել բնական փայտի բաց երանգների հետ: Օրինակ՝ կահույքի մի փոքր հատվածը կարող է լինել վառ կանաչ: Պետք է հիշել, որ կապույտը, կանաչը, մանուշակագույնը կարելի է օգտագործել խոհանոցային կահույքի մեջ այն դեպքում, երբ խոհանոցն արևկող է:
Կարմիր և սպիտակ գույների համադրություն
Հակադիր գույների համադրությամբ ևս կարելի է ստանալ գեղեցիկ կահույք: Օրինակ՝ կարմիրի ու սպիտակի համադրությունը. ճակատային մասը մի փոքր փայլ ունենալու դեպքում կահույքին կհաղորդի դեկորատիվ էֆեկտ: Այդ դեպքում անգամ ամենավառ գույները կարելի է մեղմացնել ու դարձնել աչքին հաճելի՝ համադրելով սպիտակի, մարմնագույնի հետ:
Սպիտակի ու երկնագույնի համադրություն
Հետաքրքիր է նաև սպիտակի, երկնագույնի և որևէ այլ գույնի՝ օրինակ կանաչի համադրությունը: Գույների համադրություն կարելի է անել ոչ միայն միանման կառուցվածք ունեցող կահույքների, այլև ստանդարտ կահույքներ դեպքում:
