Ամպ-լամպ` մեր ձեռքերով
Սովորական գծագրաթղթից հնարավոր է ամպի ձև ունեցող յուրատեսակ լուսամփոփ ստանալ
Մեզ անհրաժեշտ կլինի
- ճարտարապետական գծագրաթուղթ (калька)
- մկրատ կամ կտրող կարկին
- սոսինձ էմուլսիա
- հավասարակող եռանկյան տեսքով տրաֆարետ
- լամպ` իր կոթառով
Գծագրաթղթից կտրում ենք նույնանման շրջաններ: Կարելի է մկրատով կտրել, բայց ավելի կոկիկ կստացվի կտրող կարկինով: Շրջանների տրամագիծը` 6 սմ: Դրանցից շատ կտրել:
Նախշակաղապարի օգնությամբ կորացնում ենք շրջանակների ծայրերը: Երեք ծայրը կորացնում ենք այնպես, որ հավասարակող եռանկյուն ստացվի: Արդյունքում ունիվերսալ մոդուլ կստացվի, որից հնարավոր կլինի ցանկացած ֆորմա կազմել:
Մոդուլները միավորում ենք ժապավենների ու գնդի հատվածների տեսքով, որոնց վրա էմուլսիա սոսինձ ենք քսում: Կարևոր է, որ սոսինձը որակյալ լինի, խիտ ու բծեր չթողնի: Եթե բոլոր դետալների գագաթները միավորենք, գնդի հատվածներ կստացվի: Կարելի է նաև այլ կերպ միավորել դրանք. այդ դեպքում ժապավեն կստացվի:
Գնդի ժապավեններից ու հատվածներից ապագա լուսամփոփի համար նախապատրաստություններ ենք անում: Ժապավեններից կարելի է ցիլինդր հավաքել, իսկ հետո ցիլինդրները միացնել գնդի հատվածներին:
Հավաքում ենք լուսամփոփի նախապատրաստական մասերը:
Լուսամփոփի ներսում լամպ ենք տեղադրում: Միայն հարկ է հաշվի առնել, որ լամպը չպետք է տաքացող լինի, դրա համար օգտագործում են լուսային դիոդներ կամ էլեկտրախնայող լամպեր: Անցքը, որի միջոցով անց ենք կացնում լամպը, սոսնձում ենք էմուլսիայով:
Ահա և վերջ: Պատրաստ է: Ժամանակն է զարմացնելու:
