Առաստաղի սպիտակեցում մեր ձեռքերով

առաստաղի սպիտակեցում

Առաստաղի սպիտակեցումը համարվում է բնակարանը հարդարելու ամենամատչելի տարբերակը։ Սպիտակեցնելու համար գործածվում են ներկագլաններ, սեղմակներով հեղուկացիրներ։ Նախքան սպիտակեցնելը պետք է առաստաղը մաքրել կեղտից, փոշուց ու սարդոստայններից։ Առաստաղի հին շերտը կարելի է հեռացնել  մածկաթիակի կամ օճառային լուծույթով թրջած սպունգի օգնությամբ։
Առաստաղը կարելի է սպիտակեցնել կրի ու կավճի օգնությամբ։  Հասկանալու համար, թե առաստաղն ինչով է մշակված, կարելի է դիպչել առաստաղին, եթե սպիտակ հետքեր են մնում, ուրեմն կավիճ է օգտագործված։ Առաստաղը հղկելուց հետո օգտագործվում է պղնձարջասպի  10 %-անոց լուծույթ։ Եթե առաստաղի վրա կան յուղի հետքեր, ապա կարելի է կիրառել կալցինացված սոդայի լուծույթ։
Անհավասար առաստաղը հղկվում է սվաղի, երբեմն էլ՝ կրի օգնությամբ։ Որպեսզի կահույքն ու պատերը չփչանան, սկզբում պետք է զբաղվել առաստաղերի հարդարումով, ապա՝ պատերի։ Եթե կահույքը թեթև է, ապա պետք է դուրս հանել սենյակից, եթե ոչ, ապա պետք է ծածկել պոլիէթիլենային տոպրակով։

 

Կավճե լուծույթ
կավճե-լուծույթ-4

Տաք ջուր- 5 լ

Ատաղձագործական սոսինձ- 30 գր

Լեղակ- 20 գր

Կավիճ- 3 կգ

 

Պատրաստման եղանակը

Բոլոր բաղադրիչներն ավելացնում ենք առանձին-առանձին ու զգուշորեն խառնում։ Լեղակն օգնում է ուժեղացնել սպիտակությունը։ Այնուհետև ավելացնում ենք կավիճն ու խառնում այնքան, մինչև գնդիկները լուծվեն։ Ապա կատարում ենք երկշերտ սպիտակեցում։

 

Կրային լուծույթ

կրային լուծույթ

Հանգցրած կիր- 3 կգ

Աղ- 100 գր

Ալյումինե շիբ- 200 գր

Ներկանյութ- 500 գր

Ջուր- 10 լ

Բոլոր բաղադրիչները կամաց-կամաց խառնում ենք ու որպեսզի կրային լուծույթը հավասարապես սպիտակեցնի, պետք է ջրում թաթախված սպունգով խոնավեցնել առաստաղը։

Պարտադիր չէ մասնագետ լինել առաստաղը սպիտակեցնել կարողանալու համար։ Պետք է ընդամենը պատրաստել ճիշտ խառնուրդ և ունենալ անհրաժեշտ որակյալ գործիքներ։ Լավ սպիտակեցնելու դեպքում այն կարող է ծառայել ավելի քան 5 տարի։

 

ՀԱՏՈՒԿ ԱՌԱՋԱՐԿՆԵՐ