Բաց դարակներ խոհանոցի համար

bac-darakner-xohanoci-hamar-10

Արդեն մի քանի տարի է` խոհանոցի բաց դարակները նորաձևության բարձունքում են: Մի կողմից սա շատ արդյունավետ լուծում է և թույլ է տալիս տեսողականորեն բեռնաթափել տարածքը, սիրելի սպասքն ունենալ աչքի առաջ ու ազատվել զանգվածեղ պահարանների ճնշումից:

Մյուս կողմից, սակայն դիզայնի այս տեսակը բարդ է, քանի որ բարդացնում է կարգուկանոնի ու հիգիենայի պահպանումը: Փորձենք դիտարկել կողմ ու դեմ բոլոր տեսակետները, որպեսզի խոհանոցի նոր կահավորանքի ընտրությունը դառնա առավել հեշտ:

Բաց դարակներ խոհանոցի ինտերիերում

Այսպիսի դարակներ խոհանոցի ինտերիերում սկսեցին հայտնվել համեմատաբար վերջերս, թեև գաղափարն ինքնին նոր չէ: Խոհանոցի նման դասավորվածությունը ներդաշնակ կդիտվի քանթրի կամ պրովանս ինտերիերում, ոչ ֆորմալ լոֆթում կամ սկանդինավյան ոճում: Իսկ ահա դասական կամ պաճուճազարդ նեոբարոկկո ոճում տարբեր իրերով լցված բաց ու հասարակ դարակներն ամենևին էլ լավագույն լուծումը չեն: Այդպիսի ինտերիերում սպասքի հավաքածուն ցուցադրելու համար ավելի հարմար են կիսաթափանցիկ դռներով ցուցափեղկերը:

bac-darakner-xohanoci-hamar-2
                              դեկորներով բաց դարակներ քանթրի ոճի խոհանոցում

Խորհուրդ.  Ցանկալի է բաց դարակների ետևի պատը լինի միագույն: Չեզոք բաց կամ մուգ պատը հիանալի ֆոն կլինի խայտաբղետ սպասքի համար:

Բնականաբար, կարևոր հանգամանք է նաև դարակների պարունակության ընտրությունը, քանի որ այնտեղ պետք է գեղեցիկ ու յուրահատուկ սպասք տեղադրել:

bac-darakner-xohanoci-hamar-3

Խոհանոցային բաց դարակների առավելությունները

Բաց դարակներն ունեն մի շարք առավելություններ.

  • խոհանոցում ընտանեկան ջերմության մթնոլորտ են ստեղծում,
  • նրանց միջոցով սպասքն ու մթերքներն առավել արագ  հասանելի են դառնում,
  • նույնիսկ փոքր տարածքում ընդարձակ ու բաց տարածության տպավորություն են ստեղծում,
  • իդեալական լուծում են երիտասարդ ընտանիքի համար 🙂
  • խոհանոցային կահույք պատվիրելիս թույլ են տալիս զգալի միջոցներ խնայել:
bac-darakner-xohanoci-hamar-4
                      վառ գույնի շեշտադրված դարակներով հետաքրքիր տարբերակ

Խոհանոցային բաց դարակների թերությունները

  • վերջիններս ոչ այնքան տարողունակ են, որքան սովորական կախովի պահարանները,
  • բաց դարակներում իրերը պետք է միշտ գեղեցիկ դասավորված լինեն,
  • նրանք կանոնավոր մաքրման կարիք ունեն,
  • բաց դարակներն այնքան էլ հարմար չեն շատ եփել սիրողների համար:

Ինչպե՞ս դասավորել խոհանոցի բաց դարակները

Ինչքան էլ հետևեք կարգուկանոնին, չարժե շատ բարդացնել կյանքը: Խոհանոցի դեկորատիվ բաց դարակների տեղը գազօջախի կողքին չէ, քանի որ այնտեղ հնարավոր չէ խուսափել յուղի կաթիլներից: Ավելի լավ է այդպիսի դարակները տեղադրել աշխատանքային հարթությունից վերև կամ ավելի բարձր:

bac-darakner-xohanoci-hamar-5

Բացի դրանից, խոհանոցային կահույք արտադրողներից շատերն առաջարկում են հետաքրքիր կոմբինացված տարբերակներ, որոնցում խոհանոցի բաց դարակները լրացնում են սովորական փակ պահարաններին: Այս դեպքում բաց դարակներում տեղավորած խոհարարական գրքերը կամ արտահայտիչ սպասքն ինտերիերի լրացուցիչ աքսեսուարի դեր են ունենում և թարմացնում են միջավայրը: Այսպիսի դարակները հաճախ խոհանոցն ու հյուրասենյակը միացնող ինքնատիպ «կամրջի» դեր են ունենում:

Խորհուրդ. Այսպիսի բաց դարակները լավ համադրվում են կախովի ռեյլինգային համակարգի հետ, որից նույնպես կարելի է տարբեր տարաներ կախել:

bac-darakner-xohanoci-hamar-6
լրացուցիչ կեռիկներով ու կախիչներով մետաղյա դարակներն ու ռեյլերը կարող են                                       դառնալ սովորական դարակների նմանակը

Դարակների դասավորության հարցում մեծ նշանակություն ունի նաև խոհանոցի մակերեսը:

Եթե Ձեր խոհանոցը փոքր է

Թեթև բաց դարակներն իսկական գտածո են փոքր մակերեսով խոհանոցների համար: Դրանք չեն ծանրաբեռնում ինտերիերը՝ ընդարձակության և թեթևության զգացողությունը պահպանելով նույնիսկ 6 քմ տարածությունում: Ավաղ, այսպիսի դարակներ խոհանոցի ինտերիերում կարող են նախատեսել նրանք, ովքեր ոչ այնքան շատ խոհանոցային իրեր ու սպասք ունեն: Մյուս կողմից, սա առիթ է տալիս մտորելու՝ արդյոք բոլո՞ր առարկաներն են իրականում գործածվում, թե՞ դրանք պահարանի խորքերում պահում եք ուղղակի սովորության համաձայն:

bac-darakner-xohanoci-hamar-7
բաց դարակներով կոմպակտ խոհանոց

Եթե Ձեր խոհանոցը մեծ է

Բաց դարակներն, այնուամենայնիվ, ավելի շատ հանդիպում են ընդարձակ խոհանոցներում, որտեղ իրերը պահելու խնդիրն այնքան էլ լուրջ չէ:

bac-darakner-xohanoci-hamar-8
                                                  լոֆթ ոճի ընդարձակ խոհանոց

Եթե Ձեր խոհանոցում բավականաչափ տարածություն կա, չարժե տարածությունը ծանրաբեռնել զանգվածեղ կախովի շինվածքներով, մանավանդ, որ այդպիսի պահարանների վերին դարակներին հասնելն այնքան էլ հեշտ չէ:

bac-darakner-xohanoci-hamar-9

ՀԱՏՈՒԿ ԱՌԱՋԱՐԿՆԵՐ