Ժամանակակից ճապոնական էսթետիկա
Ճապոնական ոճը եղել է շատ տարածված ու կիրառելի, սակայն ժամանակի ընթացքում դիզայներները սկսեցին խուսափել ավանդական էթնիկ պատկերներից։ Սակայն այժմ տարածված է ոչ թե բուն ճապոնական ոճը, այլ ոճավորումը։
Ժամանակակից ճապոնական ոճին բնորոշ են ճգնավորությունն ու հարմարավետությունը։
Ոգեշնչվելով ճապոնական մոտիվներով՝ դիզայներներն առաջարկում են բնակարանները հարդարելու արտասովոր տարբերակներ և հիմնվում են արևելյան էսթետիկայի սկզբունքներից մեկի վրա, որն է ՝ վաբին։ Սա ենթադրում է շքեղության բացակայություն և նրբաճաշակություն։
Ինտերիերում գերակշռում են բաց երանգները, ինչի շնորհիվ բնակարանը դառնում է ավելի ընդարձակ և լուսավոր։ Ոչ մեծ աքսեսուարներն ու դեկերներն ընտրվում են՝ համապատասխան էսթետիկական մյուս սկզբունքի՝ յուգենի, ինչը ենթադրում է առարկաների խորքային գեղեցկություն։
Իհարկե, առանց ավանդական տարրերի հնարավոր չէ պատկերացնել ինտերիերի հարդարանքը, ինչպես օրինակ փոքրի սեղանիկը, հատակին դրված փափուկ բարձերը խորհրդանշում են ավանդական թեյախմության արարողությունը։
Տաք գույների ու եվրոպական ոճով հարդարված ինտերիերի սիրահարները ևս կարող են չանհանգստանալ։ Չնայած նկարում բնակարանի ինտերիերում բոլոր տարրերն առանձին-առանձին որևէ կերպ չեն առնչվում ճապոնական ոճին, սակայն այսպիսի ինտերիերն իր թեթևությամբ և պարզությամբ գնահատում են ճապոնացիները։
Ճապոնական էսթետիկայի կարևոր սկզբունքներից է նաև սաբին, որը բառացի թարգմանությամբ նշանակում է ժանգ։ Սա գործածվում է, որպեսզի իրերին հաղորդվի այնպիսի յուրահատկություն, որն իրերը ձեռք են բերում ժամանակի ընթացքում։ Առաջնորդվելով այս սկզբունքով ՝ դիզայներները ստեղծում են ոչ միայն առանձին տարրեր, այլև հարդարում են սենյակներն ու ամբողջ բնակարանը։
Եվս մեկ յուրօրինակ լուծում են առաջարկում դիզայներները պատշգամբը հարդարելու համար։ Ըստ նրանց՝ տան այս հատվածը պետք է ճիշտ օգտագործել։ Ամռանը պատշգամբը կարող է ծառայել որպես աշխատասենյակ և այլն։
Թվում է՝ ճապոնական ոճն ավելի շատ բնորոշ է այն բնակարաններին, որտեղ ապրում են մեծահասակներ։ Սակայն սա ճիշտ չէ․ գրագետ կահավորված մանկական սենյակներն անհնար է չհավանել։ Մի քանի գունային երանգների, պարզության ու մինիմալիզմի համադրությունն օգնում են կենտրոնանալուն և ճանաչողությանը։
Գոյություն ունի կարծրատիպ ըստ որի՝ ճապոնական ոճը միապաղաղ է, ձանձրալի ու խիստ, սակայն դա չի համապատասխանում իրականությանը։
