Ինչպես ապահովել երեխաների անվտանգությունը խոհանոցում
Խոհանոցն ամենավտանգավոր վայրն է համարվում երեխաների համար։ Interier.am-ն առաջարկում է բոլոր մայրիկներին ծանոթանալ այն բոլոր վտանգներին, որոնք սպառնում են երեխաների անվտանգությանը։
Վնասակար սնունդ
Նույնիսկ սնունդը շատ վտանգավոր է երեխաների համար, եթե չի համապատասխանում երեխայի տարիքին։ Բացի այդ, սնունդը կարող է նաև ալերգիա առաջացնել։
Հիշեք՝ որքան վտանգավոր է սնունդը, այնքան ավելի բարձր տեղում պետք է այն պահպանել։
Աղբաման կամ աղբի տոպրակներ
Աղբամանը արգելված տարածք է և այդ իսկ պատճառով շատ հետաքրքիր երեխաների համար։ Այն պետք է ամուր փակել․երեխաները պետք է հեռու լինեն նաև աբի համար նախատեսված տոպրակներից, որոնք ևս վտանգավոր են։
Ընտրում ենք հատուկ կոնտեյներներ աղբի համար սովորական աղբամանի փոխարեն ու փորձեք այն բավականաչափ հեռու պահել երեխաներից։
Հիգիենա
Մանկական սպասքը պետք է առանձնանա հատուկ խնամքով։ Դրանք պետք է լվանալ տաք ջրով մանրէներից ազատվելու համար։
Մաքրող միջոցներ
Տարատեսակ շշերով ու տարաներով գունավոր հեղուկները գրավում են երեխաների ուշադրությունը։ Անիմաստ է երեխաներին բացատրել, որ չի կարելի խմել նման նյութերը։ Միակ տարբերակը դրանք երեխաների աչքից հեռու տեղ դնելն է։
Մաքրող միջոցները կարելի է լցնել սպիտակ ու աչք չզարնող տարաների մեջ, որոնք ամուր փակվում են ու թեթևակի շարժումի դեպքում պատահական չեն բացվում։
Սփռոցներ
Սփռոցներն իսկական սպառնալիք են երեխաների համար։ Երեխան կարող է պատահականորեն քաշել այն ու վտանգի ենթարկել իրեն։ Նման խնդրից խուսափելու համար սփռոցների փոխարեն փորձեք օգտագործել պլաստիկե կամ սիլիկոնե ներդիրներ։
Դանակներ, պատառաքաղներ և այլ սուր առարկաներ
Ծնողների համար սրանք ամենավտանգավոր իրերն են։ Դրանք պետք է թաքցնել երեխաներից, բայց արդեն 1,5-2 տարեկանում երեխաները պետք է ծանոթանան դրանց։
Ջեռոց, գազօջախ
Սրանք ևս խոհանոցային ամենավտանգավոր իրերի ցանկում են։ Այրվածքներ ստանալու վտանգն այս դեպքում շատ մեծ է։ Այդ իսկ պատճառով շատ ավելի հարմար է գազօջախը փոխարինել էլեկտրականով ու խուսափել վտանգներից։
Կենցաղային տեխնիկայի լարեր
Երեխաներին ամեն ինչ հետաքրքրում է․ այդ իսկ պատճառով լարերը պետք է հեռու լինեն նրանց աչքից։ Վարդակները պետք է մոտ գտնվեն կենցաղային տեխնիկային, որպեսզի չանցկացվեն սենյակի երկայնքով ու ոտքի տակ չընկնեն։ Կամ նախապատվությունը պետք է տալ կարճ լարերով տեխնիկաներին։
