Գեղեցիկ առաստաղ հեղուկ պաստառների միջոցով
Այս անգամ մենք կանդրադառնանք հեղուկ պաստառներին, որոնք շուկայում համեմատաբար նոր են հայտնվել։
Արժե հատուկ ուշադրություն դարձնել հեղուկ պաստառների յուրահատկություններին և օգտագործման տեխնոլոգիային։
Հեղուկ պաստառների տարատեսակները
Առանձնանում են հեղուկ պաստառների 3 տեսակներ.
- Մետաքսե: Այս տեսակի պաստառները պատրաստված են բացառապես մետաքսից, գույնը չեն փոխում նույնիսկ երկար ժամանակ ուլտրամանուշակագույն ճառագայթների ազդեցության դեպքում, իսկ հիմնական թերությունը բավականին թանկ արժեքն է։
- Ցելյուլոզային: Սա բյուջետային տարբերակ է, որը բաղկացած է ներկած ցելյուլոզային թելքերից։ Այն հարմար է օգտագործել միջանցքներում, նախասենյակներում և այլն։ Վերջիններս մատչելի են։
- Կոմբինացված: Այս տարբերակը հիմնականում բաղկացած է ցելյուլոզայից և մետաքսի խառնուրդից։
Իսկ ինչ վերաբերում է գույնին և տեսքին, ընտրությունը մեծ է և հարդարելուց խնդիրներ չենք ունենա։
Տեխնոլոգիական գործընթաց
Նախապատրաստում
Առաստաղի հարդարումը հեղուկ պաստառներով 3 փուլով է կատարվում. մակերևույթի նախապատրասոտւմ, հարդարման խառնուրդի պատրաստում, պաստառապատում և չորացում:
- Բնակարանի հատակն ու կահույքը ծածկում ենք պոլիէթիլենով։ Հնարավորության դեպքում լավ կլինի վերանորոգվող սենյակն ամբողջությամբ ազատել։
- Առաստաղի մակերևույթը մաքրում ենք մինչև հիմք, կամ մինչ ուղիղ ծեփամածկային շերտի հասնելը։
- Եթե մակերևույթը ներկված է եղել ջրաէմուլսիոն կամ ակրիլային ներկով, ապա պետք է ընդամենը հանել թեփոտված հատվածները։
- Խոշոր ճաքերը մածիկով լցնում ենք և քերիչով հարթեցնում։
- Գլանիկով կամ լայն վրձնով նախաներկային խառնուրդ ենք քսում։
- Քանի դեռ նախաներկը չորանում է, պատրասոտւմ ենք առաստաղի խառնուրդը։
Պատրաստում ենք խառնուրդը
Երբեմն պատերի և առաստաղի խառնուրդը վաճառվում է պատրաստի վիճակում, սակայն հաճախ գնում ենք չոր փոշի, որն անհրաժեշտ է բացել ջրով։
Պատրաստման եղանակը.
Մեծ մաքուր տարայի մեջ ջուր ենք լցնում, փաթեթի պարունակությունը լցնում ենք ջրով լի տարայի մեջ և լավ խառնում։ Խառնուրդը 12 ժամ թողնում ենք, որպեսզի սոսնձվող բաղադրիչներն ուռչեն։ 12 ժամ հետո կրկին խառնում ենք ու անհրաժեշտության դեպքում պիգմենտներ և նյութկազմվածքային հավելումներ ավելացնում։
Ուշադրություն: Չաչրժե օգտագործել եռացած կամ շատ սառը ջուր: Ամենաճիշտ տարբերակը սենյակային ջերմաստիճանի ջուրն է։
Արդյունքում պետք է ստանանք համասեռ և կպչուն զանգված։ Հեղուկ պաստառները պետք է քսել անմիջապես, որպեսզի չորանալու և կրկին թրջելու արդյունքում նյութի հատկությունները չփչանան։
Պաստառները սոսնձում ենք հիմքին
Արհեստավարժ վարպետերը հեղուկ պաստառները առաստաղին են քսում ներկացրիչով։ Այդ դեպքում, քսելուց հետո խառնուրդը պետք է գլանիկով հարթեցնել։ Սակայն, քանի որ, ինքներս ենք պաստառները սոսնձելու, ավելի հեշտ կլինի հարդարումը ձեռքով անել, առավել ևս, որ այդ գործընթացն ավելի հեշտ է, քան դեկորատիվ սվաղապատումը:
Հարդարման համար պետք է օգտագործել ծեփակ և պլաստիկե կամ մետաղական քերիչ։
Արդեն ուռած խառնուրդը տարայից վերցնում ենք, քսում առաստաղին և հավասարապես 1-4 մմ շերտով տարածում։ Մակերևույթը հարթ քերիչով հավասարեցնում ենք և քսում հաջորդ չափաբաժինը, հետևելով, որ տարածքների միջև ընկած սահմանները չերևան։ Դեկորատիվ թելքերի դիրքը կախված է հարթեցման ժամանակ շարժումների ուղղությունից։
Հաջորդ երկու օրերի ընթացքում տեղի է ունենում սոսնձի պոլիմերացում, այդ իսկ պատճառով էլ պաստառների վրա մեխանիկական ծանրաբեռնվածություն չպետք է գործադրել։
Հեղուկ պաստառներ քսելը բավական հեշտ է, քանի որ նյութը շատ լավ է կպչում մակերևույթներին։
