Գունագեղ փոքր գորգ

poqr-gorg-9

Ցանկացած ձեռագործ աշխատանք ինտերիերը դարձնում է ավելի հարմարավետ: Ինքնուրույն կարելի է պատրաստել ծաղկաման, պաննո և ինտերիերի շատ այլ դետալներ: Այս անգամ կտեսնենք, թե ինչպես կարելի է գունագեղ փոքր գորգ պատրաստել 🙂

Նյութեր և գործիքներ

Եվ այսպես, մեզ անհրաժեշտ է՝

  • գործվածքի կտորներից ստացած թել,
  • կարի մեքենա,
  • չսահող տակդիր,
  • մկրատ,
  • սոսնձի թերմոատրճանակ,
  • նշագրիչ:

Ինչպես պատրաստել գունագեղ փոքր գորգ

Անհրաժեշտ է գործվածքի կտորներից հյուսված թել, որը կարող ենք պատրաստել ինքնուրույն՝ կտորները հյուսելով: Թելը պարուրաձև փաթաթում ենք՝ միաժամանակ կարելով զիգզագաձև խոշոր կարով: Աշխատում ենք այնպես անել, որ պարույրը հարթ ստացվի:

poqr-gorg-1

Խորհուրդ. Ամենադժվարը առաջին փաթույթները կարելն է, ինչը հեշտացնելու համար կարելի է կենտրոնական հատվածը խաչաձև կարել:

Պարույրը պետք է դառնա ափսեի չափ փոքր գորգ: Պատրաստում ենք 8-10 այդպիսի փոքր գորգեր, որոնք կարող են տարբեր չափսեր ունենալ:

Խորհուրդ. փոքր գորգերը կարող են լինել նաև ձվաձև, եռանկյունի կամ ուղղանկյուն 🙂

poqr-gorg-2

Գորգի մասերը դասավորում ենք կամայական կերպով և գնդասեղներով կամ սկոտչով ամրացնում:

poqr-gorg-3

Գորգերի հատվող մասերը կարի մեքենայով կարում ենք: Կարը ամուր լինելու համար կարելի է մի քանի անգամ կարել:

poqr-gorg-4

Լուսանկարում կարելի է տեսնել, որ գորգի  առանձին մասերը փոքր-ինչ ծռվել են, բայց այդ թերությունը կարելի է շտկել չսահող տակդիրի օգնությամբ:

poqr-gorg-5

Գորգը շրջում ենք և վրան դրեք տակդիրը: Նշագրիչով գծում ենք շրջանակների եզրերը:

poqr-gorg-6

Տակդիրն ըստ գծագրի կտրում ենք, տաք սոսնձով ամրացնում գորգի ստորին մակերևույթին: Այս փուլում հարթեցնում ենք գորգի հատվածները, որպեսզի չցցվեն:

poqr-gorg-7

Թողնում ենք, որ սոսինձը սառչի:
Վերջ, այս անգամ պատրաստեցինք գույնզգույն փոքր գորգ և կարող ենք հիանալ մեր ձեռագործով 🙂

poqr-gorg-8

 a

ՀԱՏՈՒԿ ԱՌԱՋԱՐԿՆԵՐ