Հետաքրքիր դիզայնով դեկորներ ու կահույք այգու համար
Այգու հարդարումն անվերջանալի գործընթաց է․ այն մշտական թարմացում է պահանջում։ Բույսերի խնամքն ու լանդշաֆտային դիզայնը մեծ ժամանակ ու ջանք է պահանջում։
Զարմանալի կթվա, բայց հին անիվներից կարելի է պատրաստել գեղեցիկ դեկորներ։
Անիվներից կարելի է պատրաստել ծաղկաթումբ՝ մեկը մյուսի վրա դնելով։ Դրանք կարելի է ներկել կամ ձևավորել ըստ ցանկության ու ճաշակի։
Կարելի է պատրաստել նաև ոտիկներով ծաղկաթումբ։ Անվի հատակը ծածկում ենք, ավելացնում ենք ոտիկներն ու լցնում ենք բնահողը։ Նման ծաղկաթմբերը բացի գեղեցիկ լինելուց նաև հեշտ տեղաշարժվում են։
Դժվար չէ պատրաստել նաև կախովի ծաղկաթմբեր։ Դրանք շատ գեղեցիկ են հատկապես այն դեպքում, երբ դրանց վրա դրվում են փաթաթվող բույսեր։
Այգիները կարելի է զարդարել նաև անիվներից պատրաստած կենդանիներով։ ընդամենը մի քիչ ներկ ու երևակայություն։ Եվ ահա արդյունքում ստացվում են այսպիսի դեկորներ։
Այգու համար կահույք կարելի է պատրաստել սեփական ձեռքերով։ Ընդ որում դա շատ ավելի հեշտ է, քան թվում է։ Օրինակ՝ հին անիվներից կարելի է պատրաստել փոքրիկ աթոռակներ։
Եթե այգում կան աթոռներ, ապա անհրաժեշտ է ունենալ նաև սեղան։ Դա ևս կարելի է ստանալ անիվների օգնությամբ։
Եթե այգին կառուցված է որոշակի թեքությամբ, ապա հարմարավետ աստիճանների կարիք հաստատ կլինի։ Անիվներն այգու աստիճանների համար ամենահարմար նյութն են․ դրանք թույլ չեն տալիս սահել անգամ անձրևոտ եղանակներին։
Որպեսզի անիվները չլցվեն ձյունով կամ անձրևաջրով, պետք է այն լցնել ոչ թե հողով, այլ խճաքարով։
