Հետաքրքիր դիզայնով ջեռուցման մարտկոցներ
Ջեռուցման մարտկոցները հազվադեպ են տանտերերի ճաշակով լինում և դիզայներներին մտածելու տեղիք են տալիս:
Ավանդաբար ջեռուցման մարտկոցները քողարկվում են մետաղյա էկրանների, փայլատ ապակու կամ զարդանախշերով փայտյա ցանցերի ետևում, բայց, այնուամենայնիվ, ուշադրություն են գրավում ու նկատելի դառնում: Ուրեմն ինչո՞ւ դրանք չդարձնել ինտերիերի գրավիչ տարր:
Ներկայացնում ենք հետաքրքիր դիզայնով մի քանի ջեռուցման մարտկոցներ, որոնք ավելի շատ նման են քանդակների, քան մարտկոցի:
Դինոզավրի կմախքի տեսքով չուգունե այս շինվածքը մեծացնում է մարտկոցի ֆունկցիոնալությունն ու ջերմահաղորդումը: Այն հաստատ դուր կգա երեխաներին 🙂
Ինտերիերի զարդ հանդիսացող այս ջեռուցման մարտկոցները կարող են աշխատել թե՛ ջրով և թե՛ էլեկտրական հոսանքով:
Այս ջեռուցման մարտկոցներն ունեն տպավորիչ օրգանական ձև ու բնական շինվածք:
Այս ջեռուցման մարտկոցի դիզայները պահպանել է երկրաչափական համաչափությունը՝ ջերմությունն ու էներգիան հավասարաչափ բաշխելու համար: Հիդրավլիկական տարբերակը 20 անգամ ավելի քիչ ջուր է ծախսում, իսկ էլեկտրական տարբերակը թույլատրում է լիարժեք վերահսկել ջերմաստիճանը:
Պողպատյա տարրերով այս ջեռուցման մարտկոցը նման է մեծ հաշվիչի և աշխատում է ջրով: Այսպիսի դիզայնը դուր կգա հատկապես երեխաներին 🙂
Որոշ դիզայներներ առաջարկում են պատից կախել ճկափող (шланг) հիշեցնող ջեռուցման մարտկոց, որն անչափ հետաքրքիր տեսք ունի:
Ճկուն մարտկոցը կարելի է փաթաթել նեցուկի շուրջը, դնել հատակին կամ նույնիսկ մահճակալին:
Ընտրեք առավել հետաքրքիր ու գեղեցիկ ջեռուցման մարտկոց և Ձեր բնակարանին յուրահատուկ շունչ հաղորդեք:
