Ինչպես կահույք ընտրել ինտերնետ-խանութներից
Այժմ արդեն սովորական է դարձել ինտերնետ-խանութներից հագուստ և կենցաղային տեխնիկա գնելը: Բայց թանկարժեք իրերը, ինչպիսին է կահույքը, շատերը վախենում են պատվիրել ինտերնետ-խանութներից: Եկեք միասին պարզենք, թե Ինչպես կահույք պատվիրել ինտերնետ-խանութներում:
Ներկայումս կահույքի խոշոր արտադրամասերն ունեն իրենց ինտերնետ-խանութները: Այդ պատճառով, եթե դուք ծրագրել եք գնել որևէ կահույք, ծանոթացեք կազմակերպությունների կայքերին, նրանց առաջարկած տեսականուն, ակցիաներին, զեղչերին, որակական հատկանիշներին: Որքան տեղեկությունները բաց են ու հասանելի, այնքան ավելի հուսալի կլինի արտադրանքը:
Հաջորդ քայլը տվյալների ճշգրտումն է: Պետք է հաշվի առնել կահույքի չափերը, ներքին կառուցվածքն ու արտաքին դիզայնը: Շատ կարևոր է ծանոթանալ տվյալ ընկերության առաքման, կահույքը տեղադրելու ծառայություններին: Մի շարք ընկերություններ ընդհանուր հաշվարկ են կատարում, իսկ որոշներն էլ առանձին հաշիվ են ներկայացնում լրացուցիչ ծառայությունների համար:
Ինտերնետ-խանութում կահույքի ընտրությունն անելուց հետո, մինչև այն պատվիրելը մի զլացեք, այցելեք մոտակա կահույքի սրահը և ծանոթացեք կահուքների տեսակներին: Որքան էլ լավը լինի խանութը, հնարավոր է նկարները գունային խաբկանք առաջացնեն:
Ձեր ընտրությունը կատարելուց, կահույքի չափերն ու գույնը որոշելուց հետո ճշտեք կահույքի արժեքն ու ձևակերպեք ձեր պատվերը:
Դիմեք կահույքի մասնագետներին, նրանք կօգնեն ձեզ կահույքի դիզայնի հարցում: Կառաջարկեն ձեզ տարբերակներ, որոնցից ընտրություն կատարելն ավելի հեշտ կլինի: Կարող եք սեղմել «Պատվիրել» կոճակն ու սպասել ձեր նոր կահույքին:
