Մի քանի խորամանկություն. Ինչպես լուսավորել մութ բնակարանը
Մի քանի խորհուրդ մութ բնակարանը լուսավոր դարձնելու համար:
Հայելիներ
Հայելիները իրենց արտացոլող հատկության շնորհիվ ոչ միայն ընդարձակում, այլև լուսավոր են դարձնում սենյակը: Հայելին տեղադրում ենք պատուհանի դիմաց կամ սենյակի ամենամութ անկյունում:
Ծառեր
Ցածրահարկ բնակարաններում երբեմն լուսավորությունը պայմանավորված է լինում ծառերի առկայությամբ: Դա, իհարկե, գեղեցիկ է, բայց դուք ունեք նաև արևի լույսի իրավունք:
Անփայլ պատեր
Թվում է ՝ փայլուն պաստառները կամ ներկը սենյակն ավելի լուսավոր են դարձնում, սակայն այդպես չէ: Փայլի պատճառով մթագնում է լույսը: Իսկ անփայլ պաստառների շնորհիվ սենյակը կունենա հավասար լուսավորություն:
Ձողաջահեր
Սենյակների անկյուններում դրված ձողաջահերը, որոնց լույսն ուղղված է դեպի առաստաղը, կստեղծեն լուսային հավասարակշռություն, ինչը հնարավոր չէ անել առաստաղից կախված ջահերի միջոցով:
Գորգեր ու նկարներ
Մի ծանրաբեռնեք պատերը գորգերով ու նկարներով. դրանք նույնպես շատ լույս են կլանում:
Կահույք
Խուսափեք լայն ու մեծ տարածություն գրավող կահույքներից: Շատերը փորձում են կահույքներն օգտագործել սենյակները երկու առանձին հատվածների բաժանելու համար: Պետք է հիշել, որ դա կարող է մթնեցնել սենյակի մի հատվածը:
Գունային ներդաշնակություն
Ընտրեք սպիտակ կամ մարմնագույն երանգները: Իսկ առաստաղը հարկավոր է ներկել մի փոքր ավելի բաց երանգով:
Վարագույրներ
Հրաժարվեք ծանր վարագույրներից. դրանք մթնեցնում են սենյակը:
Օգտագործեք կահույքի փայլ
Ապակե սեղանները, մետաղական իրերը սենյակին լուսավորություն են հաղորդում: Սակայն փայլ օգտագործելը միշտ չէ, որ օգնում է. այն երբեք չի օգնի մուգ երանգ ունեցող կահույքների դեպքում:
