Ինչպես պատրաստել լուսամփոփ՝ սեփական ձեռքերով

Մանկական սենյակում հիմնական լուսավորությունից զատ, պետք է նաև լրացուցիչ լուսավորություն լինի: Գիշերը կարելի է ոչ շատ ուժեղ լուսամփոփ օգտագործել, որպեսզի երեխան արթնանալուց հետո կարողանա ազատ տեղաշարժվի, և բացի այդ էլ որոշ երեխաներ մութ տեղը չեն սիրում քնել:

Մի խոսքով, հավելյալ լուսավորությունը պարտադիր է: Այս հոդվածում կպատմենք, թե ինչպես  մանկական սենյակի համար սեփական ձեռքերով լուսամփոփ պատրաստել:

Անհրաժեշտ նյութեր և գործիքներ

• բարակ ՓԹՍ-ի (ДВП) ոչ մեծ շերտ,
• 2 մետաղական անկյունային կալունակ,
• խրոցակով և մալուխով կոթառ (патрон с кабелем и вилкой),
• մի քանի հեղյուս,
• կալունակ՝ կոթառն ամրացնելու համար,
• էլեկտրական ատրճանակ,
• թուղթ՝ ձևանմուշ պատրաստելու համար,
• մկրատ,
• էլեկտրական սղոց,
• սպիտակ, ոչ թունավոր ներկ:

Ինչպես պատրաստել մանկական պատին ամրացվող լուսամփոփ

Մեծ թղթի վրա ամպիկ նկարեք:

Ձևանմուշից պատկերը տեղափոխեք ՓԹՍ-ի (ДВП) վրա: Գծանշված հատվածներով սուր դանակով կամ նրբասղոցով կտրեք:

Ամպիկը սպիտակ ներկեք: Այնուհետև ամպիկի հակառակ երեսին 2 կալունակներ սոսնձեք, մեկը՝ կոթառը ֆիքսելու համար, մյուսը՝ պատին մոնտաժելու համար:

Մալուխով կոթառը ֆիքսեք և լամպը ձգեք (լավ կլինի մանկական սենյակում լուսադիոդային լամպեր օգտագործել, քանի որ դրանք երկար աշխատելուց չեն տաքանում): Պատին պտուտակներով ևս մեկ կալունակ ամրացրեք և ամպիկը կախեք կալունակի վրա: Լուսամփոփը միացրեք հոսանքին:

Պատին լույսի պայծառ հետք կհայտնվի, որը արև է հիշեցնում, իսկ մեր ամպիկը մի քիչ կծածկի այն, որպեսզի պայծառ լույսը երեխայի աչքերին չհայտնվի 🙂