7 հնարք պատերի անհարթությունները թաքցնելու համար
Անհարթ ու անհավասար պատերը հաճախակի հանդիպող խնդիրներից է, բայց միշտ չէ, որ հնարավոր է վերանորոգում անել ու շտկել այն։ Մեզ մնում է ծանոթանալ այն հնարքներին, որոնց միջոցով հնարավոր է հարթեցնել պատերը։
Նախշերով պաստառներ
Պատերի թերությունները կարելի է աննկատ դարձնել նախշերով ֆլիզելինե ու վինիլային պաստառների միջոցով։ Անփայլ ֆոտոպաստառները նույնպես ճիշտ տարբերակ են։
Վագոնկա
Այս նյութը թաքցնում է բոլոր թերություններն ու ուժեղացնում ձայնամեկուսացումը։ Շնորհիվ իր կառուցվածքի ու պատկերների՝ այն հինալիորեն ներմուծվում է սկանդինավյան ու էկո, պրովանս ու քնթրի ոճերով հարդարված ինտերիեր։ Վագոնկան կարելի է ներկել ցանկացած գույնով։
Ամառանոցային ինտերիերի չվերածելու համար այս նյութով կարելի է հարդարել միայն այն պատը, որն ունի թերություններ։
Խցանե ծածկույթ
Խցանը էկոլոգիապես մաքուր, հակաալերգիկ ու հեշտ տեղադրվող նյութ է։ Դրանք երկարադիմացկուն են, լավ են մաքրվում, ունեն նաև ձայնամեկուսացնող հատկանիշներ։
Փայտե պանելներ
Փայտե պանելները ճիշտ լուծում են հատկապես ընդարձակ բնակարաններում։ Փայտե ու խցանե պանելները ձայնամեկուսացնող դեր են կատարում։
Գործվածք
Անհարթ պատերը կարելի է հարդարել վարագույրներով կամ գործվածքներով։ Ընտրում ենք այնպիսի նյութ, որը հնարավոր կլինի հեշտ մաքրել ու խնամել։
Դեկորներ
Պատերի թերությունները աննկատ դարձնել հնարավոր է նաև աքսեսուարների միջոցով նկարներ, քանդակներ, սպասք, ծաղիկներ, լուսանկարներ և այլն։
Կահույք
Եթե պատն ունի թերություններ ու վերանորոգում անել հնարավոր չէ, ապա կարող եք կահույքը տեղադրել հենց այդ պատին՝ ազատվելով ավելորդ խնդիրներից։
