Ինչպես խնամել գորգերը
Interier.am-ը ներկայացնում է գորգերը ճիշտ խնամելու մի քանի կանոն, որոնց հետևելու դեպքում գորգերը մշտապես կլինեն մաքուր ու գեղեցիկ:
Երկար խավավոր գորգերը մեծ խնամք են պահանջում՝ ի տարբերություն առանց խավի կամ քիչ խավով գորգերի։ Բրդե գորգերն ավեկի դժվար է խնամելը, քան արհեստական գորգերը։ Մշտական խոնավ մաքրումները կամ լվացումները կարող են փչացնել գորգերը։ Սինթետիկ երկար խավավոր գորգերը ավելի թեթև խնամք են պահանջում։
- Եթե գորգն այնքան էլ մեծ չէ ու կան նպաստավոր պայմաններ այն մաքրելու համար, ապա կարելի է հաճախ դուրս հանել ու չոր մաքրում անել, իսկ ձմեռային շրջանում կարելի է մաքրել ձյունով։
- Գորգը փայլեցնելու համար պետք է այն սրբել էթիլային սպիրտի մեջ թաթախված սպունգով:
- Թանաքի հետքերը գորգի վրայից կարելի է հեռացնել կիտրոնի հյութով:
- Որպեսզի գորգը հավասարապես մաշվի, պետք է ժամանակ առ ժամանակ տեղաշարժել:
- Ջրով լուծված ոչ մեծ քանակությամբ քացախը թարմացնում է գորգի գույները:
- Շաբաթական մեկ անգամ գորգերը պետք է երկու կողմից փոշեծծիչով մաքրել: Սկզբում պետք է մաքրել հակառակ կողմը, որպեսզի փոշին գորգի մեջ չներծծվի:
- Քիչ կեղտոտված գորգերը կարելի է մաքրել մանր, չոր աղով: Գորգը պետք է փռել հատակին, վրան շաղ տալ աղը, ապա գոլ օճառաջրի մեջ լավ թրջած ավելով կամ խոզանակով մաքրել: Մաքրելուց հետո աղի մնացորդները գորգի վրայից հեռացնել փոշեծծիչով:
- Գորգերը կարելի է մաքրել ու թարմացնել նաև եփած թեյի մնացորդով: Գորգի ամենակեղտոտ հատվածների վրա լցրեք թեյի մնացուկը, 15-20 րոպեից հեռացրեք փափուկ խոզանակով:
- Գորգերը չի կարելի փռել նոր լվացած, խոնավ հատակին:
- Որպեսզի դրանք չփչանան փոշուց և ցեցից, պետք է դրանց տակ փռել թերթեր, որովհետև տպագրական ներկերի հոտից դրանք ոչնչանում են:
ՀԱՏՈՒԿ ԱՌԱՋԱՐԿՆԵՐ
