Ինտերիեր փայտով
Փայտը բոլոր ժամանակներում էլ միշտ արդիական է եղել, բայց ժամանակի ընթացքում դիզայներները հետաքրքիր լուծումներ են գտնում, որպեսզի փայտով ձևավորված ինտերիերն ավելի յուրօրինակ դառնա:
Գեղեցիկ ինտերիեր կարելի է ստանալ ամենատարբեր ձևերով: Փայտից կարելի է պատրաստել կոճղի տեսքով սեղանիկ կամ ճյուղերով լուսամփոփի տոտիկներ: Իսկ փայտով կահույքը միշտ էլ արդիական է մնում:
Մի քանի հնարք, թե ինչպես կարելի է բնական փայտը կիրառել ինտերիերի մեջ:
- Օգտագործեք հին տախտակները: Եթե ձեռքի տակ հին տախտակներ ունեք, ապա դրանք հաջողությամբ կարող եք օգտագործել: Օրինակ, կարող եք ներկել որևէ գույնով և պատին կախել որպես պաննո (որմնաքանդակ): Կեռիկներով պաննոն, կարող է խոհանոցում որպես կախիչ օգտագործվել: Իսկ եթե ուզում եք, ինտերիերի մեջ կոնտրաստային շեշտադրում անել, ապա կարող եք փայտը չներկել և վրան ծաղիկներ ավելացնել՝ ստեղծելով ֆիտոպատ:
- Ծառի ծղանները նույնպես կարող են ձևավորել բնակարանը, օրինակ, վերջինս կարող է դառնալ պատի վրայի կոմպոզիցիա, սեղանիկ կամ նույնիսկ արտ-օբյեկտ:
- Կարող եք ամառանոցային նստարանը հղկաթղթով հղկել և անհրաժեշտության դեպքում ներկել ու ձևավորել բնակարանը: Դե իսկ հարկ եղած դեպքոմ կարող եք ծածկոցաշալ կամ բարձ փռել, որպեսզի ոճային դետալն ավելի օգտակար և անհրաժեշտ դառնա:
- Կարող եք բնակարանը ձևավորել ծառի ճյուղերով, դրանցով ստեղծել լուսամփոփներ, բրա և այլ լուսավորություն ու վայելել:
Դիզայներներն իրենց նախագծերում ավելի շատ են սկսել փայտ օգտագործել, քանզի նորանոր տեխնոլոգիաները թույլ են տալիս վերամշակված փայտով ստանալ տարատեսակ հետաքրքիր գաղափարներ:
ՀԱՏՈՒԿ ԱՌԱՋԱՐԿՆԵՐ
