Պատրաստում ենք տոնածառ մետաղից ու փայտից
Ամանորին մնացել են հաշված օրեր, և տոնածառը զարդարելու ժամանակն է։ Ոմանք ընտրում են բնական, ոմանք արհեստական տոնածառեր, իսկ մյուսներն էլ նախընտրում են սեփական ձեռքերով պատրաստել յուրօրինակ տոնածառեր։ Interier.am-ը կօգնի պատրաստել մինիմալիստական տոնածառ։
Մեզ անհրաժեշտ են՝
- Մետաղի կտոր
- 1մ երկարությամբ պողպատե ձող
- Ձեռքի գայլիկոն (дрель)
- Եռակցման սարք
- Մետաղե օղակ
- Փայտե ձողեր
Մետաղի վրա գայլիկոնի օգնությամբ անցք ենք բացում ու ամրացնում ենք շաղափը (сверло)։
Մետաղին ամրացնում ենք պողպատե ձողը։
Մետաղյա օղակն ամրացնում ենք ձողին։
Տոնածառի համար մեզ հարկավոր են տարբեր չափերի ձողեր։ Առաջինը պետք է լինի 25×25 մմ չափի խորանարդիկ, որին հաջորդող յուրաքանչյուր շերտ պետք է 2 սմ-ով մեծ լինի նախորդից։
Փայտե ձողերը պատրաստելուց հետո կենտրոնում անցք ենք բացում։ Ամենափոքր խորանարդիկի անցքը չպետք է լինի ամբողջական, որպեսզի տոնածառն իր գեղեցիկ տեսքը չկորցնի։
Ձողերն ամրացնելուց հետո լաքապատում ենք ու տեղադրում։
