Միջսենյակային դռան տեղադրում սեփական ձեռքերով

Բնակարանի վերանորոգման վերջին փուլերից մեկը միջսենյակային դռների տեղադրումն է: Սովորաբար, դռները տեղադրելու համար մասնագետ են հրավիրում, բայց որոշակի հմտությունների տիրապետելով, ինքներդ էլ գլուխ կհանեք այդ գործից՝ տնտեսելով Ձեր գումարը 🙂

Անհրաժեշտ գործիքներ

Փայտե դռան տեղադրման համար անհրաժեշտ են մի քանի գործիքներ.

• սկավառակային սղոց կամ անկյուններ կտրող գործիք և ձեռնասղոց,
• պտուտակադարձիչ,
• էլեկտրական ֆրեզ կամ դուր՝ փայտի մեջ փորվածք անելու համար,
• հորատիչ՝ մոնտաժային աշխատանքների համար,
• մուրճ,
• հարթաչափ,
• մատիտ,
• մանր գլխիկներով մեխեր, խցաբութակներ, պտուտակներ, շինարարական փրփուր,
• սեպերի համար փայտե չորսուներ:

Նախապատրաստում

• Էլեկտրական ֆրեզի կամ դուրի միջոցով դռան վրա ծխնիների համար փորվածք արեք: Ընդ որում, ծխնու եզրից մինչև դռան փեղկի եզրը՝ վերևից և ներքևից պետք է 20 սմ հեռավորություն լինի:
• Այնուհետև 45 աստիճան անկյան տակ դռան շեպեր կտրեք, որից հետո դրանք մոտեցրեք դռանը և նշեք ծխնիների տեղը: Այս ամենից հետո ֆրեզով կամ դուրով դռան հոդակապերի տակ փորվածք արեք:
• Ծխնիները մտցրեք դռան վրա արված փորվածքի մեջ և գայլիկոնով պտուտակների տակ անցքեր բացեք, որպեսզի փայտը չճաքի: Գայլիկոնի տրամագիծը պետք է պտուտակների տրամագծից փոքր լինի: Այժմ ձգեք ծխնիները:

Մղլակ-կողպեքով բռնակների ամրացումը

• դուռը հորիզոնական շրջեք և 90-120 սմ բարձրության վրա, ծխնիների հակառակ կողմի վրա ավելի մեծ տրամագծի գայլիկոնով մղլակների համար փորվածք արեք:
• մղլակը մտցրեք փորվածքի մեջ և պարագծով մեկ մատիտով անցկացրեք: Ֆրեզի օգնությամբ սողնակի երեսային ձողիկի համար փորվածք արեք:
• Սողնակի պատյանը մտցրեք փորվածքի մեջ: Այն պետք է դռան ճակատային մասի հետ նույն մակարդակի վրա լինի: Եթե ամեն ինչ նորմալ է, հանեք այն:
• Դռան վրա գծանշեք բռնակների անցքերը և գայլիկոնեք:
• Մղլակը ճակատային մասից փորվածքի մեջ մտցրեք և նախապես բացած անցքերի մեջ պտուտակներով ամրացրեք:
• Այնուհետև դռան բռնակներն ու դեկորատիվ զարդակտորները պտուտակներով ամրացրեք (դրանք սովորաբար վեցանիստերով են ամրանում):

Տուփի մոնտաժ

Այժմ պետք է հասկանալ, թե ինչպես հավաքել դռան տուփը: Դրա համար լայնական դռան տուփի վերջավորությունները սկավառակային սղոցով կամ ձեռնասղոցով և անկյուններ կտրող գործիքով 45 աստիճան անկյան տակ կտրեք, որպեսզի միացման հատվածները հավասար լինեն (շեպերով դռան որմնանցքը պետք է դռնից 4-6 մմ լայն լինի): Դռան տուփի հաստությունը տարբեր է լինում, սովորաբար, 2 մետրի դեպքում լայնությունը 60-80 սմ է կազմում, իսկ 1.9 մ բարձրություն ունեցող դռան լայնությունը՝ 55-90 սմ, տուփի հաստությունը՝ 15-40 սմ է:
Գայլիկոնիչով անկյունային կտրածքներում կտրվածքներ բացեք, որպեսզի տուփը միացնեք: Այժմ պետք է սեպերը դռան չափով կարճացնել, ընդ որում պետք է արանքներ թողնել. հատակի և դռան արանքում պետք է 15 մմ արանք մնա:

Տուփի տարրերը П-անման կոնստրուկցիայի տեսքով գետնին դասավորեք և նախապես բացած անցքերի միջոցով պտուտակներով ձգեք: Այն փորակների մեջ, որտեղ հոդակապ է ամրանալու, մեկական միջանցիկ անցքեր բացեք, որպեսզի տուփը պատին ամրանա: 1 հատ մեծ պտուտակի կամ խցաբութակի միջոցով ամրացրեք այն՝ առայժմ միայն վերևից: Տուփը հարթաչափով հարթեցրեք, որպեսզի այն ուղղահայաց դիրքում լինի, որից հետո պտուտակով ներքևից ֆիքսեք:

Ամրակումից հետո պետք է դռան դրանդու և պատի միջև արանք մնա, որի մեջ պետք է փայտե սեպեր տեղադրել: Այնուհետև պետք է պտուտակները ձգել:

Ուշադրություն: Փայտյա տներում դռներ տեղադրելը շատ բարդ է, քանի որ տունը կառուցելուց հետո 6 տարվա ընթացքում փայտը նստում է, իսկ տարվա ընթացքում տան բարձրությունը կարող է մինչև 5 սմ փոփոխվել: Որպեսզի խուսափեք նման երևույթներից, կարող եք դռան բռնակի կողմից տուփի վրա ավելացնել չորսու, որն անհրաժեշտության դեպքում կարող եք հանել և ավելացնել լայնությունը:

Դռան տեղադրումը

Հաջորդ փուլը տուփի մեջ դռան տեղադրումն է: Դուռը պտուտակներով է կախվում, ընդ որում ծխնիները ամրակումները դեպի պատը կքողարկեն: Տեղադրելուց հետո դուռը ինքն իրեն չպետք է բացվի և փակվի: Դռան տուփը ֆիքսելու համար տուփի վերևամասում պետք է փայտյա սեպեր խփել: Այժմ պետք է մղլակի համար փականային ձող ամրացնել: Դրա համար դուռը թեթևակի փակեք և մատիտով նիգի դիմաց գծանշում արեք: Դռան դրանդու մեջ գայլիկոնով անհրաժեշտ չափի անցք բացեք: Այնուհետև պետք է տուփի երկրորդ կողմը ֆիքսել: Դուռը փակեք և արանքի մեծությունը  տեսողական ստուգեք, այն պետք է տուփի և փեղկի երկայնքով մեկ հավասար լինի: Նիգի համար գայլիկոնած անցքի մակարդակի վրա դռան և տուփի միջև սեպեր տեղադրեք և խցաբութակով կամ պտուտակով միջաթափանց ֆիքսեք պատին: Այնուհետև տուփը լրացուցիչ սեպերի օգնությամբ հուսալի ֆիքսեք, իսկ փականային ձողը ձգեք իր տեղը՝ ծածկելով պտուտակի ամրակումը:

Արանքները փրփուրով լցնելու գործընթացը

• Ներկարարական ժապավենով բոլոր երեսային ձողերը ծածկեք, որպեսզի փրփուրը լցնելուց չկեղտոտեք:
• Արանքը հեղուկացիրով թրջեք և շրջակապի և պատի միջև բոլոր արանքները մոնտաժային փրփուրով լցրեք: Կարող եք արդյունաբերական փրփուր լցնել, քանի որ այն խիտ է և չորանալուց քիչ է լայնանում:

Խորհուրդ: Որպեսզի կոնստրուկցիան փրփուրը չորանալու ընթացքում չտեղաշարժվի, պետք է դռան փեղկի շուրջ փայտյա սեպեր խփել:

• Փրփուրը չորանալուց հետո ավելցուկները կարելի է կտրել և ներկարարական ժապավենը հանել:

Պարակալների ամրակում

• Պարակալներն իրար մեջ 45 աստիճան անկյան տակ են ծայրակցում ուստի դրանք պետք է սկավառակային սղոցով կտրեք:
• Դրանդիների մակերևույթը, որտեղ պետք է պարակալը ամրանա սիլիկոնե հերմետիկով ծածկեք:
• Կտրված պարակալը փոքր գլխիկներ ունեցող մեխերով ամրացրեք:
• Մեխերի տեղերը պետք է գունավոր մածիկով ծածկել, որպեսզի ամրակումները չերևան:

Եթե դուռ տեղադրելու համար բոլոր անհրաժեշտ գործիքներն ունեք կամ էլ կարող եք վարձակալել դրանք, ապա արժե փորձել ինքնուրույն տեղադրել միջսենյակային դռները: Այս գործում ամենակարևորը չշտապելն է և ամեն ինչ լավ կստացվի 🙂