Նկարների դերը հյուրասենյակի ինտերիերում

Բնակարանի պատերի հարդարումն ամենակարևոր հիմքն է դիզայնի համար։ Պատերը հարդարվում են բնակարանի ոճին համապատասխան։ Դեկորներից ամենատարածվածն ու կիրառելին նկարներն են։

Interier.am-ը ներկայացնում է կտավների տեսակների ու դրանց կիրառության առանձնահատկություններն ինտերիերում։
գեղանկար 1

Երբեմն նկարը մեզ այնքան է դուր գալիս, որ ուզում ենք այն ունենալ մեր բնակարանում։ Այս դեպքում նկարն է թելադրում սենյակը հարդարելու բոլոր կանոնները։ Նկարը կարող է գույն ու տրամադրություն հաղորդել բնակարանին։ Այդ իսկ պատճառով պետք է լուրջ մոտեցում ցուցաբերել նկարների ընտրության հարցում։
գեղանկար 2
Հյուրասենյակը նկարներով հարդարելու ամենատարածված տարբերակն է, բայց հարդարելիս պետք է հաշվի առնել հետևյալ հանգամանքները՝
Գեղեցիկի ընկալում
Սենյակի չափերը
Պատերի չափերն ու հարդարումը
Այլ դեկորների առկայությունը
Տարածության գունային լուծումները
Ինտերիերի ոճը
գեղանկար 3
Մեծ նկարները գեղեցիկ չեն լինում 10 մ2 մակերես ունեցող սենյակում։ Կտավի ձևն ու ժանրը պետք է համապատասխանի սենյակի ոճին։ Օրինակ՝ ոսկեգույն շրջանակով բնապատկերը ծիծաղելի կլինի լոֆթ ոճով հարդարված բնակարաններում։
Ընտրելիս պետք է նաև ուշադրություն դարձնել նկարների տեխնիկային, նյութին։ Դրանք կարող են նկարված լինել ջրաներկով, յուղաներկով, արհեստական կամ բամբակե կտավի վրա, կարող են պատված լինել լաքով և այլն։ Շրջանակները կարող են պատրաստված լինել պլաստիկայից կամ բնափայտից և այլն։
գեղանկար 4
Պատերը կարելի է հարդարել ինչպես սեփական այնպես էլ այլ լուսանկարներով, գոբելենով, պաննոներով, վերարտադրանկարներով, ասեղնագործություններով, պոստերներով։ Դրանց շնորհիվ ընդգծվում է Ձեր անհատականությունն ու կենդանություն է հաղորդվում ինտերիերին։
գեղանկար 5Գունային լուծումներ
Ինչպես գիտենք, գույները մարդու հոգեբանության վրա կարող են մեծ ազդեցություն ունենալ, ուստի ընտրելիս պետք է հաշվի առնել այս հանգամանքը։ Գույների ազդեցության մասին մանրամասն կարող եք կարդալ «Ինչպես են գույներն ազդում տրամադրության վրա» հոդվածում։

գեղանկար 6
Գունային ճիշտ համադրություններ ստեղծելու համար պետք է հիմնվել սենյակում առկա երեք հիմնական գույների վրա ու ըստ դրա կատարել ընտրությունը։ Սակայն սա չի նշանակում, որ այս գույները պետք է գերիշխեն կտավի վրա, մի փոքր կիրառումն էլ բավական է ճիշտ համադրության համար։
գեղանկար 7
Եթե ինտերիերը միագույն է, ապա կարելի է կիրառել վառ գույնի գեղանկարներ։
գեղանկար 8
Վառ գույներով հարդարված բնակարանները լրացուցիչ ընդգծումների կարիք չեն ունենում, ուստի այս դեպքում պետք է կարողանալ գեղանկարը ներմուծել ինտերիեր՝ պահպանելով սենյակի գունային համապատասխանությունը։

ՀԱՏՈՒԿ ԱՌԱՋԱՐԿՆԵՐ