Գեղեցիկ ինտերիեր. օգտագործում ենք շատ գույներ

Այս անգամ սովորում ենք՝ ինչպես ունենալ գունագեղ ինտերիեր, որը միաժամանակ շատ նրբաճաշակ կդիտվի 🙂

Ինչու՞ օգտագործել գույներ

Տունն այն վայրն է, որտեղ մենք ուզում ենք հաճելի ժամանակ անցկացնել, հետևաբար այն պետք է մեզ դրական էմոցիաներ փոխանցի և ուրախ միջավայր ստեղծի:

Նման ննջասենյակն ինչ խոսք, միշտ դրական էմոցիաներ կհաղորդի, միչնույն ժամանակ չի հոգնեցնի:

Գույների ճիշտ համադրությունը փոքր-ինչ բարդ ու պատասխանատու գործ է, միշտ պետք է ժամանակին կանգ առնել և չափը չանցնել: Սակայն, ճիշտ ընտրության դեպքում, անգամ ամենաանհամադրելի պարագաները հնարավոր է համադրել:

Մի պատի ակցենտավորում

Շատ հարմար է շեշտադրումը դնել մեկ պատր վրա: Փորձեք այն ներկելով դարձնել ավելի գունեղ, կամ օգտագործել տարբեր գունավոր պարագաներ:

Նույն ուղղությամբ շարեք գույները

Ենթադրենք՝ գնել եք դեղին լամբ: Ի՞նչ անել… կարող եք շատ յուրահատուկ կերպ լուծել այս հարցը: Լամպին ավելացրեք մի քանի միանման լամպ և շարեք վերջիններս նույն ուղղույթմաբ: Արդյունքը ապշեցնող կլինի:

Մի քանի միանման գույներ օգտագործեք

Միշտ հիշեք, անգամ անհամադրելի գույները հնարավոր է համադրել: Եթե երեխայի սենյակը գունավոր պատեր ունի, ապա պետք է նույն գույնի կահույք կամ դեկորի պարագաներ կիրառել:

Իրար մոտ գույներ օգտագործեք

Եթե չեք ցանկանում, գերակշռող գույն ունենալ, ապա փորձեք գույնին մոտ գույն ընտրել: Օրինակ, կարող եք կապույտին համադրել ավելի բաց կամ մուգ կապույտ, փիրուզագույն գույները:

Ընտրեք հակառակ գույներ

Եթե ոչ մոտ, ապա հակառակ գույներ օգտագործեք: Օրինակ, սպիտակի հետ համադրեք սևը, դեղինի հետ՝ կապույտը, իսկ կարմիրի հետ՝ սպիտակը:

Գունավոր գրքեր ու ամսագրեր կիրառեք

Եթե չեք ցանկանում պատերը ներկել, ապա հրաշալի տարբերակ է նման գրապահարանի օգտագրոծումը, որը միշտ նորաձև կթվա 🙂