Պատրաստում ենք օրիգինալ ժամացույց

Ժամացույցն այն աքսեսուարն է, որը կարող է զարդարել ցանկացած սենյակ: Պատի ժամացույց պատրաստելն այնքան էլ դժվար չէ, բավական է ընդամենը ազատություն տալ երևակայությանն ու ունենալ լավ ճաշակ: Ցանկացած խանութից կարելի է գնել ժամացույցի պատրաստի մեխանիզմ, ձևավորել և ունենալ ինքնատիպ ժամացույց: Ներկայացնում ենք այդպիսի ժամացույցի մեկ օրինակ, որպեսզի պատկերացնեք, թե որ ուղղությամբ կարելի է աշխատել:

Ժամացույց պատրաստելու համար մեզ պետք է՝

• Ասեղնագործական փայտյա շրջանակ (пяльцы),
• Ֆետր,
• Փայտյա կոճակներ,
• Փայտյա դեկոր,
• Ստվարաթուղթ,
• Վուշե գործվածք,
• Ժամացույցի մեխանիզմ,
• Սոսնձի թերմոատրճանակ:

Առաջին հերթին վերցնում ենք ասեղնագործության շրջանակն ու մեջը ֆետր հագցնում:

Տվյալ դեպքում ընտրել ենք շոկոլադագույն ֆետր՝ շրջանակի բնական մակատեսքն ընդգծելու և թվերին փոխարինող կոճակներն ընդգծելու համար:

Ստվարաթղթից շրջան ենք կտրում, որը լինելու է ժամացույցի հետևի մասը:

Ստվարաթուղթը փաթաթում ենք վուշե գործվածքով: Ծայրերը ծալում ենք ու սոսնձում ստվարաթղթի ետևի կողմին:

Կափարիչը դնում ենք շրջանակի մեջ ու սոսնձում:

Քանոնի օգնությամբ նշում ենք կենտրոնն ու ժամացույցի մեխանիզմի համար բացվածք անում:

Բացվածքը պետք է լինի շրջանակի ուղիղ կենտրոնում:

Տեղավորում ենք 12, 3, 6, 9 թվերը նշող խոշոր կոճակներ:

Վերցնում ենք մյուս թվերը ցույց տվող կոճակները:

Համաչափ հեռավորության վրա տեղադրում ենք խոշոր կոճակների արանքում: Երկու փոքր կոճակ՝ երկու խոշոր կոճակների արանքում, համապատասխանաբար 1-2, 4-5, 10-11:

6 և 9 թվերի միջև դնում ենք որևէ դեկոր:

Դեկորը սոսնձում ենք թերմոատրճանակով: Ժամացույցի մեխանիզմը դնում ենք նախապես բացված անցքում:

Դասավորում ենքլաքները:

Կարևոր է. սլաքները պետք է լինեն բավական երկար, որպեսզի պտտվելիս չկպնեն կոճակներին ու դեկորին: 

Ահա այսպես կարելի է ժամացույց պատրաստել ասեղնագործության սովորական շրջանակից: Ժամացույցը պատրաստ է, մնում է տեղադրել մարտկոցիկներն ու ամրացնել պատին: