Պատերի ժամանակակից հարդարում դեկորատիվ սվաղով
Բնակարանի հարդարման վերջին փուլում շատ հաճախ մտածում ենք՝ ինչպես գեղեցիկ հարդարել պատերը։ Դեկորատիվ սվաղը համարվում է պատերի հարդարման տարածված տարբերակներից մեկը։ Այսպիսի սվաղը պահանջում է առանձին գիտելիքներ ու ստեղծագործական մոտեցում։
Ներկայացնում ենք դեկորատիվ սվաղի հիմնական առանձնահատկությունները, առավելություններն ու թերությունները։
Դեկորատիվ սվաղի առավելություններն ու թերությունները
- Դեկորատիվ սվաղն առանձնանում է իր յուրօրինակությամբ
- Սվաղի ծածկույթն էկոլոգիապես մաքուր է
- Ամուր է ու դիմացկուն փոշու և կեղտի ազդեցություններին
- Դեկորատիվ սվաղը կեղտը հեշտությամբ մաքրելու հնարավորություն է տալիս
- Այս սվաղով պատված պատերն ունեն բարձր ձայնամեկուսացում
Բացի առավելություններից, դեկորատիվ սվաղով պատերի հարդարումն ունի նաև թերություններ
Այսպիսի սվաղը դժվարությամբ է մաքրվում պատերից
Այնքան էլ մատչելի չեն
Դեկորատիվ սվաղի տեսակները
Դեկորատիվ սվաղը լինում է երկու տեսակի՝ էքստերիերային ու ինտերիերային։ Ըստ կազմության՝ դեկորատիվ սվաղը բաժանվում է 4 խմբի՝ սիլիկատային, հանքային, սիլիկոնային ու ակրիլային։
Սիլիկատային սվաղը հիմնականում օգտագործվում է շենքերի արտաքին սվաղի համար։ Առանձնանում են իրենց ամրությամբ ու դիմացկունությամբ։
Հանքային սվաղը համարվում է ավելի մատչելի։ Այն կազմված է սովորական ցեմենտից և ունի սպիտակ գույն․ այդ իսկ պատճառով ներկման կարիք ունի։
Սիլիկոնային սվաղի կազմության մեջ կա մեծ քանակությամբ խեժ, որն այն դարձնում է ավելի ամուր խոնավադիմացկուն։
