Պատերի նախշազարդում տրաֆարետի օգնությամբ

Պատերի նախշազադումը հիանալի տարբերակ է միատոն պատերը թարմացնելու և բազմազան դարձնելու համար: Այս մեթոդը լավագույն լուծում է նաև այն դեպքում, երբ համապատասխան նախշով պաստառներ չեք կարողանում ընտրել:

Այս հոդվածում կդիտարկենք տրաֆարետի օգնությամբ պատերը նախշազարդելու տեխնոլոգիան:

Անհրաժեշտ  նյութեր և գործիքներ

• համապատասխան գույնի ունիվերսալ ակրիլային ներկ,
• պորոլոնային սպունգներ (քանակությունը կախված է աշխատանքի ծավալից),
• սոսնձային սփրեյ,
• կտոր,
• տրաֆարետ կամ տրաֆարետ պատրաստելու համար նյութեր և գործիքներ:

Տրաֆարետ պատրաստելու համար անհրաժեշտ են.

• պինդ թաղանթ կամ բարակ պլաստիկե շերտ,
• դանակ կամ նշտար (скальпель),
• պրինտերով տպած շաբլոն,
• գրիչ կամ մատիտ:

Ինչպես նախշազարդել պատերը տրաֆարետի օգնությամբ

Եթե չեք ուզում նախաներկել պատերը, ապա մակերևույթը պետք է մաքրել որևէ կտորով և փափուկ լվացող միջոցով: Եթե ներկելու եք, ապա հետևեք ներկի վրա գրված ցուցումներին:

Խորհուրդ. Ներկելու ընթացքում հատակը չկեղտոտելու համար լավ կլինի պատի հարակից հատվածում ՝հատակին, թերթեր կամ անպետք կտորներ փռեք:

Պատրաստեք տրաֆարետը: Եթե պատրաստի տրաֆարետ չեք կարողանում գտնել, ապա ինքներդ կարող եք այն պատրաստել: Դրա համար, նախապես տպած շաբլոն է հարկավոր և կոշտ թաղանթ (կամ բարակ պլասիկե շերտ):

Սոսինձը քսեք տրաֆարետի հակառակ երեսին և տրաֆարետը սոնսձեք պատի վերևի ձախ անկյունում: Հետևեք, որ այն կիպ ամրանա պատին (հատկապես կտրվածքների հատվածներում):

Կարևոր է. պետք է այնպիսի սոսինձ օգտագործել, որը պատին հետք չի թողնում , ինչը թույլ կտա տրաֆարետը բազմակի անգամներ տեղից տեղ տեղափոխել:

Ներկը քսեք սպունգի վրա և սպունգը սեղմեք տրաֆարետի կտրվածքներին, որպեսզի նախշը  տպվի պատին: Եթե ֆոնը բաց է, առաջին շերտի չորանալուց հետո ներկեք երկրորդ շերտով:

Այժմ տրաֆարետը տեղափոխեք հարակից տարածք և շարունակեք նախշազադել:

Պատի մի մասը նախշազարդելուց հետո, մի քանի քայլ հեռու կանգնեք և ընդհանուր պատկերը գնահատեք՝ անհրաժեշտության դեպքում նախշի մեջ շտկումներ անելով:

Խորհուրդ: Եթե պատկերը թույլ է տալիս, կարող եք տրաֆարետը ոչ թե հորիզոնական կամ ուղղահայաց տեղափոխել, այլ` խառը: Ցանկության դեպքում տրաֆարետը կարող եք ամեն տեղափոխելուց 45 աստիճան թեքել:

Եթե կտրվածքների անկյունները սպունգով լավ չեն ներկվում, կարող եք վրձնով շտկումներ անել:

Ահա և վերջ: Արդյունքում ստացանք գեղեցիկ ու յուրահատուկ պատ 🙂