Փաթեթավորում ենք նվերները

Նվերների գեղեցիկ փաթեթավորում կարելի է ունենալ նաև առանց գունավոր փաթեթավորման թղթի: Տուփը շատ ներկայանալի տեսք կունենա նույնիսկ այն դեպքում, եթե փաթաթեք հասարակ միագույն թղթով, բայց զարդարեք վառ գույնի բանտով կամ ծաղիկով: Այս հոդվածում կպատմենք, թե ինչպես կարելի է պատրաստել ծաղիկները ձևավորելու փաթեթավորումներ:

Անհրաժեշտ նյութերը

• դարչնագույն կրաֆտ-թուղթ,
• կանաչ ատլասե ժապավեն,
• փաթեթավորման թուղթ,
• բարակ մետաղալար:

Վերցնում ենք փաթեթավորման թղթի ոչ մեծ կտոր, կտրում ենք 12-20 սմ լայնությամբ քառակուսի կամ ուղղանկյուն կտորներ (անհրաժեշտ է 6-8 հատ այդպիսի կտոր):

Ծանոթություն. աշխատանքը հեշտությամբ կարող են անել սկսնակները, քանի որ հստակություն կամ նյութերի հատուկ որակ չի պահանջվում:

Բոլոր կտորները շարում ենք իրար վրա, հովհարաձև ծալում: Ծալքի լայնությունը պետք է լինի մոտավորապես 2 սմ:

Վերցնում ենք մի փոքր բարակ ու փափուկ մետաղալար, փաթաթում ենք հովհարի կենտրոնում:

Այժմ կտրում ենք ստաղված բազմաշերտ երիզի ծայրերը: Կարելի է կտրվածքները տարբեր ձևերի անել և պատրաստել տարբեր թերթիկներով ծաղիկներ:

Թղթի առաջին շերտը շրջանաձև բացում ենք:

Նույն կերպ բացում ենք մնացած շերտերը, և արդյունքում ստացվում է փարթամ ծաղիկ:

Ծանոթություն. թուղթը պետք է բացել մետաղալարի միայն մի կողմից, այլապես ծաղկի փոխարեն կստացվի պոմպոն:

Մետաղալարի մյուս կողմում մնացած հատվածը կտրում ենք, որպեսզի ծաղիկը հնարավոր լինի դնել փաթեթավորման վրա:

Ցանկալի է փաթեթավորում անելիս օգտագործել դարչնագույն կրաֆտ-թուղթ, որպեսզի ծաղիկը դրա գոնի վրա տարբերվի: Փաթեթավորված նվերի տուփը կապում ենք կանաչ ատլասե ժապավենով:

Մնում է թղթե ծաղիկը մետաղալարով ամրացնել ժապավենին:

Ժապավենի ծայրերը կարելի է կտրել ցանկացած երկարության: Ծաղկաթերթերի երկարությունն ու ձևը, նաև թղթի գույնը կարելի է տարբեր կերպ համադրել և ստանալ բազմազան ու հետաքրքիր ծաղիկներ:

Խորհուրդ. այս թղթե ծաղիկները կարելի է օգտագործել ոչ միայն նվերները, այլև հանդիսության սրահները զարդարելու համար 🙂