Պատրաստում ենք գեղեցիկ զարդատուփ
Ձեռագործի պարագաներ վաճառող խանութներում կարելի է գտնել ապարանջանների համար նախատեսված փայտյա դետալներ: Այս հոդվածում կներկայացնենք, թե ինչպես կարելի է այդ ապարանջաններից ու պոլիմերային կավից գեղեցիկ զարդատուփ պատրաստել:
Անհրաժեշտ նյութեր ու գործիքներ
- փայտյա ապարանջան կամ դրա նախնական դետալ
- սոսնձի թերմոատրճանակ
- կավով աշխատելու գործիքներ
- տարբեր գույների պոլիմերային կավ
- ներկեր
- թխվածքաբլիթի կլոի կաղապարներ
- վրձիններ
- սպիտակ նշագրիչ
Ինչպե՞ս պատրաստել զարդատուփ փայտով ու պոլիմերային կավով
Պոլիմերային կավը բարակ շերտով գրտնակեք: Փայտյա ապարանջանը դրեք կավաշերտի վրա և սեղմեք: Ստացվում է զարդատուփի կավե հատակը, որը պետք է թրծել՝ հետևելով արտադրողի ցուցումներին:
Ապարանջանը ներկեք դեղին ներկով:
Ապարանջանի վրա սպիտակ նշագրիչով շեղանկյունաձև նախշեր արեք: Թրծված կավե շրջանը դրեք ապարանջանի ներսը, ջերմասոսնձով սոսնձեք:
Վերցրեք թխվածքաբլիթի երկու կլոր կաղապար, որոնցից մեկի տրամագիծը պետք է համապատասխանի ապարանջանի արտաքին տրամագծին, մյուսը՝ ներքին: Կաղապարի օգնությամբ շրջաններ կտրեք նաև սալաթագույն պոլիմերային կավից: Թրծեք, միացրեք իրար: Դանակով կամ նշտարով կտրեք կավե տերևիկներ, թրծեք ու ամրացրեք զարդատուփի կափարիչին:
Ահա և վերջ:
Պատրաստում ենք ձմերուկ-զարդատուփ
Հիմնական քայլերը նույնն են, պարզապես պետք է ապարանջանը ներկել վարդագույն ու վրան սև կետեր անել: Կափարիչը պատրաստեք կանաչ պոլիմերային կավից, վրան նկարեք ալիքաձև զուգահեռ գծեր, ինչպես ձմերուկի կեղևին է լինում:
Դեղձի տեսքով զարդատուփ
Ապարանջանը ներկեք դեղձի գույնի ներկով, նույն գույնի կավից պատրաստեք կափարիչը: Վրան ամրացրեք փոքր տերևիկ:
