Պատրաստում ենք գունավոր մոմեր

Ռոմանտիկ մթնոլորտ ստեղծելու համար հաստատ անհրաժեշտ կլինեն գունավոր մոմեր: Այս հոդվածում սովորում ենք սրտաձև գունավոր մոմեր պատրաստել:

Նյութեր ու գործիքներ

• մոմ,
• թխվածքաբլիթի սրտաձև կաղապարներ,
• գունավոր մոմային կավիճներ,
• պատրույգներ ֆիքսատորով,
• պոլիէթիլենային տոպրակ,
• պաղպաղակի փայտիկներ կամ փայտե ամրակներ:

Ֆիքսատորներով պատրույգներ կարելի է գնել մասնագիտացված խանութներից կամ հանել սովորական կլոր մոմերից:

Սկսում ենք պատրաստել գունավոր մոմեր 

Նախապատրաստեք պատրույգները, որոնց երկարությունը պետք է կաղապարի բարձրության կրկնակի չափով լինի: Պատրույգը դրեք ֆիքսատորի մեջ, ֆիքսատորը տափակաշուրթով (плоскогубцы) սեղմեք:

Կաղապարը դրեք պոլիէթիլենային տոպրակի մեջ, կաղապարի կենտրոնում դրեք ֆիքսատորով պատրույգը:

Պատրույգը փայտիկների արանքում սեղմելով ֆիքսեք, դա թույլ չի տա, որ մոմը կաղապարի մեջ լցնելիս այն լողա:

Մոմը հալեցրեք գոլորշու վրա կամ միկրոալիքային վառարանում, մեջը լցրեք գունավոր մոմային կավիճների կտորները:

Կաղապարը ձեռքով բռնեք ու տոպրակին սեղմելով, մոմը լցրեք մեջը: Համոզվեք, որ պատրույգը չի տեղաշարժվել:

Թողեք մոմը սառչի: Հիմա կարելի է պոկել տոպրակն ու հանել մետաղյա կաղապարը:

Ռոմանտիկ գունավոր մոմը պատրաստ է:

Խորհուրդ. եթե ուզում եք մթնոլորտն ավելի ռոմանտիկ դարձնել, մոմի մեջ կարելի է եթերայուղեր կամ հոտավետ նյութեր լցնել 🙂