Պատրաստում ենք պահարանիկ

Այս պահարանիկը կարելի է պատրաստել հանգստյան օրերին կամ նույնիսկ մեկ երեկոյի ընթացքում: Եվ այսպես` կարդանք հրահանգները:

Կահույքի նորաձևություն ևս գոյություն ունի` ինչպես ցանկացած իրի: Ներկայումս շատ ակտուալ է համարվում միդ-սենչըրի ոճի կահույքը: Բոլորս լավ հիշում ենք նախորդ դարի 50-60-ական թվականների բազկաթոռներն ու «տատիկի կահույքը»: Այն, ինչ 15-20 տարի առաջ համարում էինք հնացած իր, այսօր շատ թանկ է գնահատվում ու որպես արժեք  վերագնահատվում է դիզայներների կողմից:

Այ այդպիսի կահույք էլ` նոր շունչ հաղորդելով, մենք մեր ձեռքով կպատրաստենք:

Մահճասեղանիկ պատրաստելու համար մեզ պետք կգա`

  • 12 կամ 18 մմ հաստությամբ նրբատախտակի (ֆաներա)1 շերտ` 2440×1220 մմ չափսերով
  • կահույքի պատրաստի ոտիկներ, խախընտրելի է ամրացվող` 55-70 սմ երկարությամբ` 4 հատ
  • կահույքի բռնակներ` 2 հատ
  • հղկաթուղթ
  • սղոց
  • մատիտ և քանոն
  • փայտի սոսինձ
  • փայտի ներկ «լազուր» (կամ փայտը ներսից պաշտպանող ցանկացած միջոց):

Ներկայացված նյութերի քանակը նախատեսված է երկու պահարանիկի համար:

Փայտե ոտիկներ չգտնելու դեպքում կարող եք մետաղյա օգտագործել:

Առաջինը, որ պետք է անել, մի շերտ նրբատախտակ (ֆաներա) գնելն է ու հենց այդտեղ պարզելը` արդյոք նյութերի կտրման ծառայություն մատուցում են: Կամ կարող եք ինքներդ ձեռնարկել սղոցելու գործը:

 

Քայլ 1. Ներքևի մասը սոսնձում ենք կողամասերին, իսկ կողամասերը` վերնամասին: Երբ սոսինձը լավ չորանա, կառույցին ենք սոսնձում նաև ետնապատը: Սպասում ենք` սոսինձը չորանա:

Քայլ 2.  Մինչ սոսինձը չորանում է, փայտե ոտիկները կարելի է կտրել ըստ ցանկալի երկարության (չափեք ձեզ հարմար աթոռի ոտքերի երկարությունը); Կտրվածքը նախընտրելի է անել 10 աստիճան անկյամբ, որ դրանք փոքր-ինչ հեռանային պահարանիկի կենտրոնից:

Ոտիկները սեղմեք սոսնձով ու ամրացրեք սեղանիկին` կողքերից թողնելով 8-ական սմ: Ամրության համար կարելի է ոտիկները դնել պտուտակամեխերի վրա (դեռ հիմնական դետալները սեսնձելուց առաջ):

Քայլ 3. Գայլիկոնով անցք բացենք քաշովի դարակի առաջնային դետալի վրա բռնակն ամրացնելու  համար: Հավաքում ենք արկղի բոլոր դետալները` դրանք կանգեցնելով սոսնձի վրա: Արկղը դնում ենք մեր մահճասեղանիկի մեջ:

Ներկումը:

Մահճասեղանիկը կարելի է ներկել ծառի`սենյակի ներսում օգտագործելու համար թույլատրելի ցանկացած ներկով: Լաքե մակերե՞ս եք սիրում: Կահույքի լաքի մի քանի շերտ քսեք հենց հղկած նրբատախտակին: Լաքը կարելի է նախապես գունափորձարկել: Եթ չեք ուզում փայտի գույը փոխել, ապա պարզապես շփոք այն փայտի յուղով:

Իսկ ներքևում պատկերված տեսքը ստանալու համար վերցրեք ջրային հիմքով ցանկացած գույնի փայտի «լազուր» ներկ ու սպունգի, վրձնի կամ գլանավրձնի  օգնությամբ 2 շերտ քսեք նրբատախտակին:

Ահա և վերջ: Պատրաստ է: Հիանալի պահարանիկը ներդաշնակորեն կներառվի ձեր ինտերիերին:

 

ՀԱՏՈՒԿ ԱՌԱՋԱՐԿՆԵՐ