Պատրաստում ենք յուրահատուկ  լամպ

Ռոբոտ` ջրի խողովակներից. անսպասելի է, չէ՞: Ու դա դեռ ամենը չէ: Մեր ռոբոտը նաև որպես լամպ է ծառայելու: Փորձենք  գլուխ հանել այս ամենից:

Ռոբոտ-լամպի ստեղծման համար մեզ անհրաժեշտ կլինի`

  • լատունե ֆիթինգներ `½ և ¾ դյույմանոց
  • շիկացման E14 լամպի կոթառ (патрон)
  • շիկացման լամպ E14
  • էլեկտրական մալուխ
  • խցակի խրոց (եվրո արտադրության) (вилка)
  • ձեռքի շաղափ (сверло)
  • պտուտակահան
  • “հեղուկ մեխեր” սոսինձ

Հավաքում ենք տանը եղած ջրի մետաղական ֆիթինգները: Կարելի է նաև երկաթե կամ լատունե, բայց երկաթե ֆիթինգները պետք կլինի նախապես ներկել համապատասխան գույնով:

 

Սկզբում բաղադրամասերը դնում ենք հարթ մակերևույթի վրա, որպեսզի հասկանանք` որտեղ են լինելու ոտքերը և որտեղ` ձեռքերը:

Որոշելուց հետո, թե ոտքերն ինչից են կազմված լինելու, մի “ոտքում” պետք է շաղափով անցք բացել էլեկտրական մալուխի համար:

Դրա համար օգտակար կլինի ձեռքի շաղափը (եթե ավելի լուրջ գործիք չկա); Լատունե ֆիթինգներն ավելի հեշտ կկտրվեն:

Էլեկտրական մալուխն անցկացնենք անցքի միջով ու սկսենք հավաքել ռոբոտին:

Արդյունքում մալուխի ծայրը պետք է դուրս գա “ռոբոտի գլխով”: Բաղադրիչներն անհրաժեշտ դիրքով  ամրացնելու համար կարելի է օգտագործել ջրատար խողովակների ցանկացած փաթաթան:

Ֆիթինգները պետք է այնպես ոլորել, որ ռոբոտը կայուն լինի: Դրա համար առավել ծանր բաղադրիչները “գոտկատեղից ներքև” տեղադրենք:

Այժմ մեզ անհրաժեշտ է նախապատրաստել էլեկտրական E 14 լամպի կոթառը:

Սեղանի սովորական դանակի օգնությամբ  մի քիչ կարճացնենք կոթառը, որպեսզի լավ ամրանա ռոբոտի “գլխին”:

Այժմ կոթառը միավորենք էլեկտրական մալուխին:

Այժմ “հեղուկ մեխեր” սոսնձի հերթն է: Սրանով կամրացնենք կոթառը: Սոսինձը պետք է զգույշ տարածել կոթառի շրջանակով մեկ, իսկ հետո մատներով մաքրել սոսնձի ավելցուկները և հավասարեցնել կոթառի ու ֆիթինգի միջև եղած սահմանը:

Թողնենք, որ սոսինձը լավ չորանա:

Ահա և մեր ռոբոտը  պատրաստ է:

Այժմ այն ոչ միան ինտերիերի հարդարանք է ու անսպասելի նմուշ, այլև գործող լամպ, որը ձեզ կօգեշնչի երեկոն անցկացնել իմաստալից գրքի ընկերակցությամբ:

 

 

 

 

 

ՀԱՏՈՒԿ ԱՌԱՋԱՐԿՆԵՐ