Փայտյա առաստաղ
Շատերը վերանորոգում սկսելիս առաստաղի վրա ուշադրություն չեն դարձնում: Բայց չէ՞ որ առաստաղը ևս սենյակի կարևորագույն մասերից է: Այսօր interier.am-ը կխոսի Ձեզ հետ փայտյա առաստաղների մասին, որոնք հետաքրքիր են դիտվում թե´ամառանոցներում և թե´սովորական բնակարաններում:
Ի՞նչ պետք է իմանալ փայտյա առաստաղների մասին
Փայտը հարմար է գրեթե բոլոր ոճի ինտերիերների համար, պետք է միայն ճիշտ համադրություն գտնել:
Այն լավ ձայնամեկուսիչ և ջերմամեկուսիչ հատկություն ունի, ինչն արդեն բավարար է այն որպես առաստաղային ծածկույթ օգտագործելու համար: Բացի այդ փայտյա առաստաղները սենյակում լույսը հավասարապես են տարածում, սակայն խնդիրն այն է, որ փայտը խոնավակայուն չէ, և այն պետք է պաշտպանել զանազան միջատներից և բորբոսից:
Փայտյա առաստաղները 5-20 սմ-ով բարձրությունը կարճացնում են, իսկ եթե դրա հետ միասին առաստաղը նաև մուգ է, ապա բարձրությունը նաև տեսողական է կարճանում: Հետևաբար, պետք է առաստաղը ներկել բաց գույնով:
Ինչպիսի՞ փայտյա առաստաղ ընտրել
Նրբատախտակից ու վագոնատախտակից բացի, գույություն ունեն փայտյա առաստաղների բազմաթիվ տեսակներ, որոնցից յուրաքանչյուրը յուրովի գեղեցիկ է:
Փայտյա առաստաղ վագոնատախտակից
Վագոնատախտակն ավելի շատ օգտագործում են պատերի երեսպատման համար, բայց նրանից պատրաստված առաստաղները ևս շատ գեղեցիկ են: Վերջինս հարմար է օգտագործել տարբեր ոճի ինտերիերներում, բացի պրովանսից և քանթրիից:
Փայտե տախտակներ
Չմշակված փայտը թեթևակի հղկելով և գունավորելով, հետաքրքիր առաստաղի կարող է վերածվել, որը հարմար է կիրառել լոֆթ ոճի ինտերիերում:
Թեթև, հոծ և անգամ նրբաճաշակ փայտե հեծաններ՝ առաստաղը ձևավորելու համար
Շատերը կարծում են, թե հեծանները ծանր ու զանգվածեղ են, սակայն այդ պատկերացումնեը սխալ են:
Փայտյա դասական սալիկներ և ուլտրաժամանակակից փայտե պանելներ
Փայտյա պանելներն ու սալիկները կարող են տարբեր լինել՝ դասական լաքապատ սաիկներից մինչ ժամանակակից աներևակայելի կոնստրուկցիաներ: Համապատասխանաբար, դրանք կարող են լինել նրբատախտակներ կամ սոսնձված ջրակայուն պանելներ, որոնք երեսպատված են թանկ փայտով:
Փայտյա պաստառներ
Փայտյա պաստառները երեսպատված են լինում բնական փայտով: Սակայն գոյություն ունեն նաև առանձին տախտակներ, որոնք հավաքվում են հատուկ պրոֆիլների վրա, որը հիանալի տարբերակ է առանց այն էլ ցածր առաստաղների համար:
Փոքր բնակարանում փայտյա առաստաղ տեղադրելու 5 կանոն
Հետևելով այս 5 կարևոր կանոններին Ձեր բնակարանում փայտյա առաստաղներով հարմարավետ ինտերիեր կստեղծեք:
- Առաստաղի գույնը – Մուգ առաստաղների դեպքում պետք է պատերը, կահույքն ու հատակը բաց գույնի անել:
- Լուսավորությունը – Պետք է լավ լուսավորություն ստեղծել՝ անհրաժեշտության դեպքում հավելյալ լուսամփոփներ տեղադրելով: Կարող եք նաև ծանր վարագույրները փոխարինել թեթև և թափանցիկ վարագույրներով:
- Բազմամակարդակ առաստաղ- Բազմամակարդակ առաստաղները վիզուալ ավելի բարձր են երևում:
- Ուղղահայաց գծեր – Օգտագործեք ուղղահայաց գծերով պաստառներ կամ տեղադրեք բարձր և նեղ պահարան, որպեսզի առաստաղն առավել բարձր թվա:
- Առանց սահմանի – Այժմ հնարավոր է տարբեր գույների փայտյա ծածկույթներ ստանալ, ինչը թույլ է տալիս, փայտյա առաստաղներն օգտագործել ոչ միայն ամառանոցներում, այլև՝ բնակարաններում:
