Պատրաստում ենք փայտյա տակդիր բաժակների համար

Սուրճի և թեյի բաժակները կարելի է պահել դարակներում կամ պահարանում, բայց դրանք բավական տեղ են զբաղեցնում ու ամեն անգամ պահարանից հանելն ու նորից տեղավորելը շատ անհարմար է: Նախընտրելի է բաժակները դնել սեղանին՝ տակդիրի վրա: Այս հոդվածում կպատմենք, թե ինչպես կարելի է պատրաստել փայտյա տակդիր:

Փայտյա տակդիր պատրաստելու համար անհրաժեշտ է՝

• 30 մմ տրամագծով փայտյա ձող,
• 16 մմ տրամագծով փայտյա ձող,
• 6 մմ տրամագծով փայտյա ձող,
• քանոն,
• մատիտ,
• ձեռնասղոց,
• գրասենյակային դանակ,
• շաղափիչ (дрель) 16 և 6 մմ տրամագծով ծաղափներով (сверла),
• 50 մմ երկարությամբ 4 մեխ,
• մուրճ,
• մի քիչ ցեմենտային խառնուրդ,
• մածկիչ կամ ծեփիչ,
• ներկարարական սկոտչ,
• պլաստիկե տարա,
• հարթաչափ,
• ատաղձագործական սոսինձ,
• ներկարարական վրձին,
• հանքային յուղ,
• զմռնիտի թուղթ:

Պատրաստում ենք փայտյա տակդիր

Ամենահաստ ձողը պետք է լինի տակդիրի «բունը»: 30 մմ տրամագծով փայտյա ձողից սղոցում ենք մոտ 45 սմ երկարությամբ կտոր: Ծառի ճյուղ-տակդիրները պատրաստվում են միջին հաստության մոտ 20 սմ ձողերից:

Սղոցված ձողերը պետք է զմռնիտե թղթով լավ մշակել:

Հաստ ձողի կտրված կողմերից մեկից 2.5 սմ հեռավորության վրա մատիտով նշան ենք անում: Այդ ծայրը լինելու է գագաթը: Հետո անում ենք ևս երկու նշում՝ միմյանցից 12 սմ հեռավորության վրա: 16 մմ շաղափի օգնությամբ բնի մեջ թափանցող անցքեր ենք բացում:

Ծանոթություն. մեջտեղի անցքը պետք է ուղղահայաց լինի ծայրիններին:

Ճյուղերի ծայրերին պետք է սահմանափակող դետալներ դնել: Դրա համար յուրաքանչյուր ճյուղի ծայրին 6 մմ տրամագծով չթափանցող անցք ենք բացում: 6 մմ տրամագծով ձողից կտրում ենք 2 սմ երկարությամբ դետալներ:

Բոլոր դետալները չափում ենք ու նորից քանդում շինվածքը: Ամենահաստ ձողի ստորին հատվածին խաչաձև 4 մեխ ենք խփում:

Ցեմենտի շաղախ ենք պատրաստում ու լցնում 20 սմ տրամագծով պլաստիկե տարայի մեջ:

Խորհուրդ. խառնուրդը պետք է մոտ 2-2.5 հաստությամբ լցնի տարան:

Տակդիրի կենտրոնական առանցքը մեխերով դեպի ներքև դնում ենք ցեմենտային խառնուրդի մեջ: Ձողն ուղղահայաց ֆիքսում ենք ներկարարական սկոտչի օգնությամբ և թողնում 48 ժամ, որ խառնուրդը չորանա:

Տակդիրը տարայից հանում ենք և ցեմենտյա հիմքը մշակում զմռնիտե թղթով:

Ճյուղերը դնում ենք բնի բացվածքների մեջ ու ամրացնում ատաղձագործական սոսնձով: Պետք է ուշադիր լինենք, սահմանափակող դետալների համար բացված անցքերը դեպի վերև ուղղված լինեն:

Սահմանափակող դետալների համար բացված անցքերում սոսինձ ենք կաթեցնում ու տեղադրում դետալները:

Թողնում ենք, որ սոսինձը չորանա:

Բոլոր փայտյա դետալները պատում ենք հանքայուղով, որի շնորհիվ ծառն ավելի գեղեցիկ կլինի ու երկար կծառայի:

Տակդիրը պատրաստ է, մնում է կախենք բաժակները: