Թղթերի օրգանայզեր սեփական ձեռքերով

Գրեթե բոլոր աշխատասեղաններին կարելի է տեսնել թղթերի ու երկտողների կույտ: Այս հոդվածում կխոսենք այն մասին, թե ինչպես կարելի է ինքնուրույն պատրաստել օրգանայզեր թղթերի ու երկտողների համար 🙂

Նյութեր և գործիքներ

• թրծվող պոլիմերային կավ,
• ներկ,
• փոքր վրձին,
• սպունգ,
• գրտնակ,
• քանոն,
• դանակ,
• թուղթ,
• կերակրի համար նախատեսված մագաղաթաթուղթ (пищевой пергамент),
• թափանցիկ լաք,
• հուսալի սոսինձ,
• մատիտ,
• կտրատելու տախտակ:

Պատրաստում ենք թղթերի օրգանայզեր

Պատրաստում ենք համապատասխան չափսերի թղթյա շաբլոններ: Տվյալ դեպքում հիմքի չափսն է 8 × 8,5 սմ, կողմնային պատերինը՝ 8,5 × 6,5 սմ, հետին պատինը՝ 9 × 6,5 սմ, առջևի պատինը՝ 3 × 6,5 սմ:

Պոլիմերային կավի շերտը մագաղաթաթղթի վրա 5-6 մմ հաստությամբ գրտնակել: Տախտակի վրա գրտնակելու դեպքում մագաղաթաթուղթը դրեք տախտակի վրա, ապա դրեք կավը:

Շաբլոնները դնում ենք կավի շերտի վրա: Սուր դանակի օգնությամբ ըստ շաբլոնի կտրում ենք կավը, դնում ջեռոցի թավայի մեջ, ծածկում մագաղաթաթղթով ու թրծում՝ հետևելով արտադրողի ցուցումներին: Այնուհետև հանում ենք ջեռոցից ու թողնում, որ սառչի:

Կողքերը սոսնձում ենք հիմքին, հետո ամրացնում հետևի ու առջևի պատերը: Թողնում ենք, որ սոսինձը չորանա:

Ներկը ջրով նոսրացնում ենք, հետո սպունգով հնարավորինս հավասարաչափ քսում օրգանայզերի արտաքին ու ներքին մակերևույթին: Թողնում ենք, որ ներկը չորանա:

Պատրաստում ենք ավելի խիտ ներկ և բարակ վրձնի օգնությամբ օրգանայզերի ողջ պարագծով կետեր անում՝ ձևավորելով կետերի լայն շերտ:

Բոլոր մակերևույթները լաքապատում ենք և թողնում, որ չորանա:

Գեղեցիկ օրգանայզերը պատրաստ է 🙂