Որտե՞ղ դնել դաշնամուրը

դաշնամուրն ինտերիերում 1

Եթե ունեք դաշնամուր, բայց չեք օգտագործում, ապա պետք չէ համարել այն անպետք իր ու թաքցնել։ Այս երաժշտական գործիքը կարող է ոչ միայն լրացում լինել, այլև ընդգծել ինտերիերի գեղեցկությունը։

Հարց է առաջանում՝ որտե՞ղ դնել դաշնամուրը։

Ահա մի քանի կարևոր խորհուրդ․

Նախ պետք է հաշվի առնել այն, թե ով է օգտագործում այդ գործիքը։ Շատերն այն դնում են երեխայի սենյակում։

Եթե սենյակը փոքր է, հնարավոր է դաշնամուրը չտեղավորվի այնտեղ կամ զբաղեցնի ազատ տարածությունը։ Բացի այդ, անընդհատ լինելով երեխայի աչքի առաջ՝ այն դառնում է ատելի։ Այնպես որ փորձեք երեխայի աչքից հեռու պահել այն։
Երկրորդ կարևոր գործոնը սենյակի ակուստիկան  է։ Որպեսզի երաժշտությունը գեղեցիկ հնչի, հարկավոր է լավ ակուստիկա։ Բացի այդ, անհրաժեշտ է հաշվի առնել սենյակի ձայնամեկուսացումը, որպեսզի պարապմունքները չխանգարեն հարևաններին կամ կողքի սենյակում քնած մյուս երեխային։

դաշնամուրն ինտերիերում 2

Մինչ գործիքը որևէ  տեղում դնելը, անպայման հաշվի առեք հետևյալ հանգամանքները՝

  • Մի դրեք այն ջեռուցվող համակարգերի կողքին
  • Մի դրեք այն պատուհանի մոտ, քանի որ արևի ճառագայթները կարող են բացասաբար ազդել գործիքի հատկանիշների վրա
  • Դաշնամուրը չպետք է գտնվի միջանցիկ քամու տակ
  • Բարձր խոնավությունը նույնպես կարող է բացասական ազդեցություն ունենալ

 

Որտե՞ղ դնել դաշնամուրը

  • Դաշնամուրը կարելի է դնել սենյակի պատերից որևէ մեկի մոտ
  • Սենյակում առանձին գոտի հատկացրեք այս գործիքին
  • Դաշնամուրը կարելի է դնել սենյակի անկյուններից որևէ մեկում․ դա հիանալի լուծում է քառակուսի սենյակների համար
  • Երաժշտական գործիքը ծառայեցրեք որպես ակցենտ՝ այն  դնելով սենյակի կենտրոնում։ Այս տարբերակը համապատասխանում է միայն ընդարձակ բնակարաններին։

 

ՀԱՏՈՒԿ ԱՌԱՋԱՐԿՆԵՐ