Խոհանոցային անկյունակներ
Խոհանոցը տան ամենակարևոր սենյակներից մեկն է։ Այդ իսկ պատճառով խոհանոցային անկյունակը ցանկացած խոհանոցի ամենանահրաժեշտ տարրերից է։ Այն թույլ է տալիս խոհանոցում հանգիստ սնվելու և քիչ քանակությամբ հյուրեր ընդունել։ Այսօր շուկայում կան անկյունակների բազմաթիվ տեսակներ, որոնք ընտրության լայն հնարավորություն են տալիս։
Այս անգամ խոսելու ենք խոհանոցային անկյունակների տեսակների և ամենատարածված լուծումների մասին։
Խոհանոցային անկյունակները հարմարավետ ու տարածված են հատկապես ավելի փոքր սենյակներում։
Անկյունակը բաղկացած է անկյունային բազմոցից, սեղանից և զույգ աթոռներից։
Խոհանոցային անկյունակների առավելությունները
- Փոքր տարածք են զբաղեցնում
- Ծառայում են նաև որպես իրերը պահպանելու միջոց
- Փափուկ անկյունակներն առավել հարմարավետ են, քան առանձին աթոռներով սեղանը
- Փոքր տարածքում տեղավորում է շատ թվով մարդկանց
Բացի առավելություններից, դրանք ունեն նաև իրենց թերությունները՝
- Փոքր կամ նեղ տարածքներում անկյունակ տեղադրել հնարավոր չէ
- Նստելու անհարմարավետություն (նստածները դժվարությամբ են կարողանում դուրս գալ)
Պաստառներ խոհանոցային անկյունակների համար
Խոհանոցային անկյունակները պատրաստվում են փափուկ պաստառներով, բայց կան նաև կոշտ տեսակներ, որոնք կարելի է լրացնել փափուկ բարձերով։ Նմանատիպ լուծումներն ավելի ճիշտ են, քանի որ կեղտոտվելու դեպքում մաքրման են ենթարկվում միայն առանձին բարձերը։
Պաստառների ընտրությունը պայմանավորված է խոհանոցի ինտերիերի ոճով։ Դրանք կարող են լինել ինչպես կտորից, այնպես էլ բնական կամ արհեստական կաշվից։ Կտորային պաստառների կզմության մեջ մտնում են այնպիսի նյութեր, որոնք վանում են կեղտն ու խոնավությունը և թույլ են տալիս մաքրել խոնավ սպունգով։
Կաշվե կամ դրանց փոխարինողներով պատրաստված պաստառները համարվում են ավելի մաշվածակայուն, քան կտորայինները։ Սակայն կաշվե պաստառներն այնքան էլ հարմարավետ չեն տաք եղանակներին։
Փոքր խոհանոցներում կարելի է օգտագործել փոքրիկ անկյունակներ՝ նախատեսված 3-4 հոգու համար։
Խոհանոցային անկյունակներ գնելիս պետք է հաշվի առնել այս խորհուրդները շահավետ ընտրություն անելու համար։
