Խոհանոցի օդակլանիչ համակարգ. ինքնուրույն տեղադրում

ինչպես-ճիշտ-ընտրել-խոհանոցի-համար-օդակլանիչ-3

Խոհանոցում ճաշ պատրաստելու ժամանակ, խոհանոցը  կարիք ունի մշտական օդափոխանակման: Գոլորշին, վառված կաթը, ճաշի հոտը ևուղղակի քրտնած ապակիները այնքան էլ հաճելի չեն դարձնում խոհանոցում գտնվելը, նույնիսկ եթե այն գերազանց նորոգել եք: Այսօր մենք կպատմենք, թե ինչպես տեղադրել խոհանոցում օդակլանիչ, այդ  խնդիրներից ազատվելու համար: Այն ցանկացած տղամարդ կարող է միացնել, եթե իմանա հողանցման և պատին ամրացման կանոնները: Նաև նախապես կողմնորոշվեք, թե ձեզ օդափոխիչի որ տեսակն է պետք և ընտրեք անհրաժեշտ հզորությունը: Դրանից էլ կսկսենք:

Խոհանոցի օդակլանիչի տեսակները

Օդակլանիչի մոնտաժումը կախված կլինի ձեր ընտրած օդակլանիչից: Կան հետևյալ տեսակները.

  • կախովի-/դրանք անվանում են նաև տափակ և սովորական/- ամրացնում են պահարանի տակ, գազօջախի վերևում:
  • ներկառուցվող- տեղադրվում են կախովի պահարանի կամ սեղանի ներսում և ուստի գերազանց ներդաշնակվում են ցանկացած դիզայնի հետ:
  • պատի օդակլանիչներ -ամրացվում են պատին, գազօջախի վերևում, կարող են շատ տարբեր դիզայնով կորպուսներ/տուփեր/ ունենալ:
  • անկյունային- Տեղադրվում են անկյուններում
  • կղզու օդակլանիչներ – նախատեսված են են կղզյակով խոհանոցների համար: Այն կարելի է ամրացնել ցանկացած տեղում` կախելով առաստաղից:

Խորհուրդ:  Անկախ օդակլանիչի ընտրությունից, այն պետք է  տեղադրված լինի  սննդի պատրաստման մակերևույթից 70 սմ, իսկ գազօջախից` 80 սմ բարձր:

Օդակլանիչի  աշխատանքային ռեժիմը

Ամրացման ձևից բացի, օդափոխիչները տարբերվում են նաև օդափոխության ռեժիմով:

Հոսքավոր–  խոհանոցից աղտոտված օդը քաշում է օդափոխիչ հորան: Օդափոխության այդ ձևը կոչվում է օդի հեռացում: Շատ ավելի արդյունավետ է:

Օդափոխանակող– օդն անցկացնում են կորպուսում գտնվող ածխաֆիլտրերի միջով, դուրս փչում  թարմ, մաքուր  օդը: Դրա համար բնակարանի խոհանոցում օդափոխություն անհրաժեշտ չէ, ուստի տեղադրումը համարվում է պարզ, բայց և պակաս արդյունավետ` մաքրության տեսակետից:

Օդափոխության ռեժիմների տեսակները

Անհրաժեշտ հզորություն

Օդակլանիչ գնելու ժամանակ կարևոր ցուցանիշ է դրա մաքրության արտադրողականությունը, որը չափվում է խորանարդ մետր/ժամով: Ինչպես գլխի ընկաք, դա ցույց է տալիս, թե օդակլանիչն  իր միջով քանի խորանարդ մետր օդ է անցկացնում  մեկ ժամում:

Խոհանոցի մակերեսը բազմապատկած առաստաղի բարձրությամբ,  բազմապատկած տասներկուսով: Հզորությունը հարկ է փոքր ինչ ավելիով հաշվել, քանի որ որոշ հզորություն կորում է օդատարի ծալքերի, օդափոխիչ հորանի երկարության և այլնի պատճառով, ուստի ստացված թվին ավելացրեք ևս 30 տոկոս:

Օրինակ, եթե ձեր խոհանոցը 6 քառ.մ է, իսկ առաստաղի բարձրությունը 2.2 մետր, հաշվարկը կլինի այսպիսին.

6 * 2.5 * 12 * 1.3 = 234 մ3

Խորհուրդ: Գնելիս պետք է հաշվի առնել նաև աշխատանքի ժամանակ արձակած աղմուկը, որն արտադրողները նշում են դեցիբելներով: Չգնեք այն մոդելները, որոնք 50 դեցիբելից բարձր աղմուկ ունեն: Գոյություն ունեն գրեթե անաղմուկ օդակլանիչներ` երկու օդափոխիչ հարմարանքով կամ` մեկ արտաքին: Բացի այդ, որոշ մոդելներ ապահովված են ձայնակլանիչ միջադիրներով:

Հողանցում և զրոյացում

Մինչ կպատմենք, թե ինչպես պետք է խոհանոցում օդակլանիչ տեղադրել, անպայման պետք է նշենք էներգաանվտանգության մասին: Քանի որ կորպուսի մեջ կարող է յուղ թռնել և խոնավություն կուտակվել, խոհանոցում էլ մշտապես խոնավությունը բարձր է, ապա օդակլանիչը  ցանցին սխալ միացնելու դեպքում մեծանում է էլեկտրահարվելու հավանականությունը:

Դրա համար օդակլանիչը պետք է ցանցին միացված լինի երեք հաղորդալարով` դրական,  հողանցում և բացասական: Ստանդարտի համաձայն հողանցման լարը դեղին գույն ունի` կանաչ շերտով: Տեղադրումից առաջ պետք է ապահովել հողանցում` էլեկտրական սարքի  անվտանգ օգտագործման համար:

Եթե տանը նախատեսված է հողանցման հաղորդաշղթա և դրված են եվրոպական տիպի վարդակներ, ապա խնդիրներ չեն լինի: Միացման ժամանակ լարը պարզապես միացվում է հողանցման սեղմակին, որը նշված է տարբեր երկարության շերտերով: Եթե տեխնիկայի վրա նախատեսված չէ հողանցում, ապա դա ինքնուրույն կարելի է անել լարը ձգելով մետաղական կորպուսին:

inchpes-chisht-yntrel-xohanoci-hamar-odaklanich-2

Շատերը, հնարավոր է,  իրենց բնակարաններում չհայտնաբերեն եվրավարդակներ և հարց առաջանա` ինչպես միացնել օդակլանիչը խոհանոցում, եթե չկա հողանցում: Այդ դեպքում  հողանցում կարելի է անել ինքնուրույն, բայց ոչ մի դեպքում մի միացրեք զրոյական լարը խողովակներին կամ մարտկոցներին: Կարելի է այն միացնել լրիվ չեզոքին:

Դրա համար բացեք էլեկտրական հաշվիչների վահանակը և կգտնեք այնտեղ պատի մեջ զմռսած մի խողովակ, որտեղից գալիս են լարերը /զգույշ եղեք, լարերը 220 վոլտ լարման տակ են/, կամ հատուկ  շինա, որը ցույց է տրված նկարում: Ավելի շուտ, դուք դրա վրա կգտնեք պատրաստի ցից  և դրա վրա ձգված զրոյական լարեր: Դա էլ հենց լրիվ չեզոքն է: Խողովակը գերազանց հողանցված է: Այդտեղից խոհանոց պետք է տանել բազմերակ մալուխ 2.5 մմ քառ հաստությամբ, իսկ օդակլանիչը միացնել 6.3 Ա ավտոմատ բաժանարարով:

Ուշադրություն: Եթե զրոյացմանը արդեն միացված հաղորդալարեր կան, ապա ոչ մի դեպքում դրանք մի անջատեք: Դա սպառնում է էլեկտրահարությամբ, ինչպես ձեզ, այնպես էլ ձեր հարևաններին: Ձեր լարը գցեք մյուսների վրայով և ձգեք մանեկ: Եթե խողովակը մաքուր է և հաղորդալարեր չկան, մաքրեք այն, և ամրացրեք լարի կոնտակտը  խամութով: Եթե այդ գործից գլուխ չեք հանում, ավելի լավ է, դիմեք մասնագետ  էլեկտրիկի:

Օդափոխությունը բնակարանում

Օդակլանիչը  խոհանոցում գրեթե միշտ խախտում է բնակարանի սովորական օդափոխությունը: Հաճախ խորհուրդ  է տրվում լրացուցիչ անցք բացել ` օդի հեռացման համար: Բայց դա բոլոր խնդիրները չի լուծի: Բանն այն է, որ եթե մեծացնենք օդափոխման հորանի անցքը, ապա դրա հոսքը նույնը կմնա և օդափոխության որակը չի լավանա: Երբ օդափոխիչի  աշխատանքի ժամանակ ճնշում է առաջանում, փականը փոխում է իր դիրքը և փակում է առաջին անցքը, այդպիսով օդափոխությունը իրականացնելով օդակլանիչի օգնությամբ: Այսպիսի միացման գլխավոր առավելությունն այն է, որ բացակայում է հակադարձ ձգողությունը և պահպանում բնական օդափոխությունը անջատված օդակլանիչի դեպքում:

Փականը կարգավորվում է նուրբ և բարակ զսպանակի օգնությամբ: Սխեմայում այն ցույց է տրված կոտրված գծով: Փականի կափարիչի համար ավելի հարմար է թեթև նյութը, օրինակ ալյումինը կամ պլաստիկը:

Օդատարի ընտրությունը

Գոյություն ունի խոհանոցի օդատարի մի քանի տեսակ` կենցաղային օդափոխության համար:

Պլաստիկե օդատարը ավելի կոմպակտ է և քիչ նկատելի:

ՊՎՔ-ից (ПВХ) պատրաստված պլաստիկե օդատարները ամուր են, թեթև և անձայն, իրենց հարթ մակերեսի շնորհիվ օդի դիմադրություն գրեթե չեն առաջացնում: Լինում են կոշտ, նեղ քառակուսի  օդատարներ, և էլաստիկ խողովակներ:

Ալյումինե, ծալքավոր խողովակը ինքնուրույն մոնտաժի համար բավական պարզ նյութ է, այն կարելի է հեշտությամբ ծալել անհրաժեշտ չափսով: Ծալքավորի ևս մեկ առավելությունը  բվվոցի և տատանումների բացակայությունն է: Բայց կարևոր թերություն է նրա տգեղությունը, դրա համար պետք է մտածել` որտեղ քողարկել օդափոխության համակարգը:  Օրինակ, գիպսաստվարաթղթե առաստաղի մեջ:

 Օդակլանիչի մոնտաժի ընթացքը

ինչպես-ճիշտ-ընտրել-խոհանոցի-համար-օդակլանիչ-4

Իհարկե, խոհանոցի օդակլանիչի մոնտաժը կախված է  դրա տեսակից և օդափոխության հորանի դիրքից: Սկզբում մենք կդիտարկենք պահարանում ներկառուցված օդակլանիչի օրինակը:

Հակադարձիչ մեխանիզմ

Հակադարձիչ փականը թույլ չի տա օդի վերադարձը խոհանոց: Եթե դուք որոշել եք ամեն ինչ բարեխղճորեն անել, ապա սկսեք ինքնաշարժ փականի տուփ պատրաստելուց: Մարմինը կարելի է պատրաստել ալյումինց, ցինկապատ թիթեղից կամ թիթեղից այն սխեմայով, որը վերևում նկարագրված էր: Կարելի է նաև չտանջվել, և ուղղակի գնել հակադարձիչ փական, որը բացվում է ինչպես թիթեռնիկ: Այն դրվում է օդափոխիչ հորանի դիմաց: Որպեսզի հարմար լինի, իրանը ամրացրեք պատի պահարանին, գազօջախի վերևում: Հետո կամրացնեք ավելի կիպ, բոլոր ճեղքերը լցնելով մոնտաժային փրփուրով և կսոսնձեք պահարանին, որպեսզի բացառեք տատանումները:

Սկզբում միայն չափեք  ինքնաշարժ փականի իրանը և  նշում արեք պահարանի վրա` անցքի համար: Այնուհետև, կարելի է պահարանը հանել պատից, և ներքևի պատին էլեկտրական նրբասղոցով անցք բացել, ներքևի շուրջկալի տակ: Դրա համար մեծ գայլիկոնով անցք բացեք ձեր նշած շրջանի ներսում, իսկ հետո մտցրեք դրա մեջ  նրբասղոցի սղոցիկը և սկսեք պահարանի մեջ կտրել ձեր ուզած ձևով: Hետո նույն կերպ անցք բացեք միջնադարակների վրա/ եթե այդպիսիք կան/ օդատարի չափով: Վերին պատին պետք է քառակուսի անցք բացել` 3-55 մմ կարաբաժնով` ինքնաշարժ փականի համար:

Օդատարի միացումը

Հաջորդ փուլը` օդատարի միացումն է: Ծալքավոր խողովակը մտցրեք ձեր արած  անցքերի մեջ, իսկ պահարանի վերին մասում դրան տվեք անհրաժեշտ քառակուսի  ձևը: Կտրեք ծալքավոր խողովակը մի փոքր կարաբաժնով, կտրատեք անկյունները և ծռեք դեպի դուրս:  Ծալքավոր խողովակի հետ միասին պահարանը կախեք պատից: Չմոռանաք օդատարի  բոլոր անցքերը մշակել հերմետիկով, որպեսզի հզորության կորուստ չլինի: Այժմ ինքնաշեն խողովակն ամրացրեք պահարանին, որպեսզի այն ծալքավոր խողովակը օդատար հորանին միացնի: Սոսնձեք սիլիկոնով, իսկ մեծ արանքները լցրեք փրփուրով: Դրանից հետո կարելի է  օդակլանիչը ամրացնել պահարանի մեջ: Ձգեք այն պտուտակներով կամ խցաբութակներով` եթե ամրացումը նախատեսված է պատի համար:

Ծալքավոր խողովակը օդակլանիչին ամուր ամրացրեք և ֆիքսեք այն խամութի օգնությամբ: Այս հատվածում հերմետիկ քսել պարտադիր չէ:

Եթե օդակլանիչը ուղիղ եք միացնում, ապա ուղղակի օդատարը միացրեք  օդափոխիչ հորանին: Որպեսզի միացումը հարմար լինի, օգտագործեք մեծ անցքերով հատուկ ցանց, որը պատկերված է նկարում: Ծալքավոր խողովակի ամրացումը օդափոխությանը

ՊՎՔ օդատար օգտագործելիս, տեղադրումը նույնն է. Ուղղակի միացնում ենք խողովակները հավաքածուի անկյունների հետ և տանում մինչև օդափոխիչը:

Խորհուրդ: Օդատարի մոնտաժի ժամանակ աշխատեք առավելագույնս կրճատել խողովակի ծալումը, որպեսի օդաքաշությունը լավը լինի: Ամեն ծալծլման հետ հզորությունն ընկնում է 10 տոկոսով:

Ամրացումը Պատին` առանց պահարանի

inchpes-chisht-yntrel-xohanoci-hamar-odaklanich-5

Ոչ միշտ են գազօջախի վերին մասում լինում պատի պահարաններ, քանի որ մարդիկ հաճախ խուսափում են գոլորշու և բարձր խոնավության պատճառով փչացնել խոհանոցը: Ավելին, պատի պահարանները սովորաբար նեղ են լինում և դա թույլ չի տալիս ամրացնել լայն օդակլանիչները դրանց ներսում: Եթե ներկառուցելու հարմարություն չկա, ապա պատին խցաբութակներով  ամրացվում է П -անման  շրջանակ: Այդպիսի ամրացումը ծառայում է իբրև հենարան`իրանի համար: Իսկ ինչպես  ամրացնել խոհանոցի օդակլանիչը, եթե սովորական խցաբութակներով  այն ամրացնել չի ստացվում: Սովորաբար այդպիսի խնդիրներ ծագում են այն բնակարաններում, որտեղ գազօջախներ կան և խողովակը խանգարում է նորմալ ամրացմանը: Այդ դեպքում կարելի է գնել երկար սանտեխնիկական պտուտակներ, որոնք մի կողմից պտուտակի տեսք ունեն, իսկ մյուս կողմից ունեն պարուրակ ու մանեկներ: Դուք ուղղղակի այն պտտեք պատի մեջ ինչպես խցաբութակները, և դրանց վրա ձգեք օդակլանիչի իրանը` պատից անհրաժեշտ հեռավորության վրա: Եվ վերջում մնում է միայն միացնել օդակլանիչը ցանցին, վարդակով կամ մշտական միացումով ավտոմատ ապահովիչի միջոցով: Չմոռանաք առաջին հերթին միացնել հողանցումը, այն կհեռացնի հնարավոր լարումը օդակլանիչի իրանից, աշխատանքի ժամանակ:

Եթե ամեն ինչ աշխատում է, կարելի է հագնել դեկորատիվ գլխարկ և հրճվել մաքուր ու թարմ օդով ` սնունդ պատրաստելիս:

Ամփոփելով արդյունքները, ուզում ենք ասել, որ մոտավորապես տարին երկու անգամ պետք է մաքրել օդակլանիչը կեղտից, որպեսզի բռնկումից խուսափեք: Հիմա դուք գիտեք ինչպես ինքնուրույն ամրացնել օդակլանիչը և կարող եք առանց խնդրի անել դա: Ընդ որում, չմոռանաք պահպանել անվտանգության կանոները էլեկտրականության հետ աշխատելիս, իսկ եթե գլուխ չեք հանում, ավելի լավ է հրավիրեք մասնագետի:

 

ՀԱՏՈՒԿ ԱՌԱՋԱՐԿՆԵՐ