Խոհանոցի պատերի ներկում. Իրականացման տեխնոլոգիան և դիզայնը

pateri-nerkum-4

Խոհանոցի պատերն առավել հաճախ են կեղտոտվում, ի տարբերություն այլ սենյակների, քանի որ ճաշ պատրաստելիս, յուղի կաթիլներ են այս ու այն կողմ թռչում, ինչպես նաև գազօջախից գոլորշի և մուր է դուրս գցում։ Խոհանոցի պատերը պետք է լվացվող լինեն, որպեսզի կեղտերը մաքրելու հնարավորությւն լինի։ Այսօր կխոսենք և նկարներով կցուցադրենք ներկված պատերով խոհանոցներ։

Ներկելու առավելությունները

Ժամանակակից ոճով խոհանոցի դիզայնի մեջ հիանալի լուծում են ներկած պատերը, որոնք հարթ և միագույն մակերևույթ են ստեղծում, որը լուսավորության հաշվին գեղեցիկ տեսք է տալիս խոհանոցին։ Ջրաէմուլսիոն ներկերն ունեն մի քանի  հիմնական առավելություններ.

  • Ջրակայունություն. խոհանոցի համար ամենակարևոր հատկանիշն է։
  •  Տարբեր գույներով պատերը ներկելու հնարավորություն։
  • Էկոլոգիականություն,
  • Տհաճ հոտի բացակայություն,
  • Հեշտ է քսվում,
  • Հրակայունություն,
  • Շոգեթափանցություն, ինչի շնորհիվ միկրոօրգանիզմներ չեն գոյանում,
  • Լավ հարակցություն, ինչը թույլ է տալիս մակերույթը ուշ ճաքի կամ շերտազատվի,
  • Մինչև 10 տարի դիմանում են,
  • Մի քանի ժամում արագ չորանում են,
  • Մատչելի են։

Այս ներկերը պետք է սենյակային ջերմաստիճանում պահել, այլապես ցածր ջերմաստիճանի դեպքում, իրենք հատկությունները կորցնում են։ Կարող եք փորձել ներկի ջրակայունությունը. մի փոքր հատված ներկեք և 24 ժամով դրեք ջրի մեջ, կարող եք գործընթացն արագացնելու համար 15 րոպե հոսող ջրի տակ պահել։ Եթե ներկը բավական ջրակայուն է և լվացվող, ջրի տակ պահելուց հետո, ներկված հատվածի հետ ոչինչ չի լինի, իսկ եթե ներկը մաքրվել է կամ պղպջակներով պատվել, նշանակում է ջրակայուն ներկ չէ։

Լվացվող ներկերի տեսակները

Եթե մտածում եք, թե ինչ ներկով կարելի է խոհանոցի պատերը ներկել, ապա լավագույն տարբերակը ջրաէմուլսիոն ներկն է։ Այդ ներկերը կազմված են ջրից, գույն հաղորդող պիգմենտներից, ինչպես նաև պոլիմերներից։ Պոլիմերները հիմնական բաղադրիչներն են` ակրիլի, լատեքսի, սիլիկոնի կամ ПВА-ի (պոլիվինիլացետատ) տեսքով։ Խոհանոցի համար կարող եք օգտագործել գրեթե բոլորը, բացի ПВА-ից, որը հարմար է միայն չոր տարածքների համար։ Գնային տեսանկյունից և որակից ելնելով, ամենահարմար տարբերակը ակրիլային ներկն է։ Այն թավշյա անփայլ մակերևույթ է ստեղծում։

Որպեսզի խոհանոցի պատերը ավելի երկար ծառայեն, ապա լավ կլինի սիլիկոնե կամ լատեքսային ներկերով ներկել, որոնք փոքր-ինչ ավելի թանկ են։ Չորանալուց հետո, մակերևույթին բարակ թաղանթ է ձևավորվում, ինչը հավելյալ պաշտպանում է մաշվելուց։

Պատերը ներկման նախապատրաստելը

Այս փուլը ներկելուց առաջ շատ կարևոր է: Անհրաժեշտ է պատերը մաքրել յուղի հետքերից և փոշուց, ինչպես նաև պետք է հեռացնել հին հարդարման նյութերը։ Հին և անպիտան սվաղը ևս պետք է հեռացնել։ Մեծ փոսերը պետք է գիպսային կամ ցեմենտային հիմքով լուծույթով մշակել։ Եթե սունկ կամ բորբոս կա, պետք է մաքրել և մակերևույթը հակաբակտերիալ տոգորումով մշակել։ Այնուհետև անհրաժեշտ է պատերը սվաղով կամ ակրիլային ջրակայուն մածվածքով լավ հարթեցնել։ Հարթ մակերևույթ ստանալու համար, ներկի չորանալուց հետո անհրաժեշտ է հղկաթուղթով մակերևույթը մշակել, որից հետո անհաժեշտ է նախաներկել, և սպասել, որպեսզի այն ամբողջությամբ չորանա։ Որպեսզի մնացած հատվածները չկեղտոտվեն, հարկավոր է ներկարարական ժապավենով ծածկել։

Պատերը ներկելու տեխնոլոգիա

Ներկը քսելուց առաջ լավ խառնեք և անհրաժեշտության դեպքում գույն ավելացրեք։ Որպեսզի պատերի գույնը միագույն լինի, անհրաժեշտ է ներկը միանգամից խառնել։ Հաշվի առեք, որ չորանալուց հետո գույնն այդքան պայծառ չի լինելու։ Հագեցած և խիտ գույն ստանալու համար, հնարավոր է 1-3 անգամ ներկելու անհրաժեշտություն առաջանա։ 1 մետր քառակուսու համար մոտ 150-200 գր ներկ կպահանջվի։ Ներկելու համար ներկարարական վրձին և թավշյա գլանիկ է հարկավոր։ Ծավալուն տարածքների ներկման համար ներկացրիչ օգտագործեք։ Կաթոցներից խուսափելու համար ներկարարական աման վերցրեք; Ներկի մի մասը լցրեք ներկարարական ամանի մեջ և քսելուց առաջ գլանիկը ներկի ավելցուկներից մաքրեք։ Սկսեք ներկել պատուհանի կողմից։ Առաջին շերտը, սովորաբար, հորիզոնական ուղղությամբ է քսվում, իսկ մնացած շերտերը` ուղղահայաց, որպեսզի մակերևույթն ավելի բնական տեսք ստանա։ Սովորաբար, առաջին անգամ ներկելու համար, ներկը 10-15 տոկոս ջրով են բացում(մանրամասն կարդացեք ինստրուկցիայի մեջ)։ Սկզբում պետք է վրձնով բոլոր անկյուններն ու դժվար հասանելի հատվածները քսել, այնուհետև գլանիկով ամբողջ մակերևույթը ներկել։ Պետք է մի պատը ներկել, որից հետո անցնել մյուսին։

Պատերը չորանալուց հետո, կարող եք անցնել հաջորդ փուլին։ Որպեսզի խոհանոցում աշխատանքային սեղանի և պահարանների միջև տարածքը շուտ չկեղտոտվի, լավ կլինի սալիկից,  ապակուց խոհանոցային գոգնոց (կամ այլ դիմացկուն նյութից ) անել։

Պարտադիր չէ պատերը միագույն ներկել։ Կարելի է ներկով ` քառակուսաձև, եռանկյունաձև կամ այլ պատկերներ ստանալ։ Դրա համար, կարող եք պատկերի սահմանագծերը ներկարարական ինքնակպչուն ժապավեն կպցնել, ինչը թույլ կտա հստակ պատկեր ստանալ։ Ներկը չորանալուց հետո, կարող եք ժապավենները հեռացնել։

պատերի-ներկում-7

Խոհանոցի պատերին պատկերված նկարներ

Պատերին նկարելու համար, որոշակի ունակություններ են պետք։ Շատ ժամանակատար և մանրակրկիտ աշխատանք է, ուստի, եթե փորձ չունեք այդ ոլորտում, ավելի լավ է գեղանկարչի օգնությանը դիմել։ Եթե որոշել եք ինքներդ նկարել, ապա պատկերը մատիտով պատի վրա նկարեք, այնուհետև ջրային հիմքով ներկով ներկեք։

Ծավալուն տեսք ստանալու համար, այսպիսի տարածված հնարք կա` հեռավոր պլանը փոքր-ինչ լղոզված և ամպամած են նկարում։ Քարերի պատկերներ նկարելու համար, բացի ակրիլային ներկից, նաև դեկորատիվ սվաղ են օգտագործում։ Այն թույլ է տալիս ավելի իրական քարի պատկեր ստանալ։ Այնուհետև նկարը ակրիլով գունավորում են և լաքապատում։

Այս դեպքում, պատը նախապատրաստելիս, պետք է բոլոր մանր անհարթությունները վերացնել և սվաղել` տեխնոլոգիայի համաձայն։ Պատի վրայի պատկերը 10-15 տարի լավ տեսքով կծառայի։ Նկարելիս շատ կարևոր պահ է լուսավորության հարցը։ Որպեսզի գեղանկարիչը ներդաշնակ գույներ ընտրի, լավ կլինի, գեղանկարելուց առաջ լուսամփոփներ տեղադրել։ Խորհուրդ է տրվում նաև բոլոր ավելորդ բաները, որոնք կարող են նկարելիս խանգարել, հեռացնել, օրինակ, վարդակները, անջատիչները, օդափոխությունը և այլն։ Ծայրահեղ դեպքում դրանք կարելի է ներկել։

pateri-nerkum-1

Եթե դեռ մտածում եք, թե ինչպես հարդարել խոհանոցի պատերը, ապա վստահ ընտրեք ներկելու տարբերակը։ Խոհանոցին ավարտուն տեսք տալու համար, չմոռանաք սոսնձել առաստաղային շրիշակները։

ՀԱՏՈՒԿ ԱՌԱՋԱՐԿՆԵՐ