Խրուշչովյան բնակարանում բաղնիքի վերանորոգում

 

Խրուշչովյան-բնակարանում-բաղնիքի-վերանորոգում-4

Շատերն ապրում են փոքր բնակարաններում, այդ պատճառով հաճախ լոգարանի դիզայնի ընտրության հարցում խնդիր են ունենում: Այս նյութում մենք կպատմենք խրուշչովյան բնակարանի լոգարանի նորոգման մասին և ինտերիերի հետաքրքիր  օրինակներ ցույց կտանք:

Խորհուրդներ նախագծի վերաբերյալ

Առաջին հերթին, իհարկե, ամեն ինչ պետք է ծրագրել, որպեսզի ամեն մանրուք մտածված լինի և իր տեղում գտնվի: Դրա համար պետք է կազմել լոգարանի դիզայն-ծրագիրը, որի մեջ  պետք է նշված լինեն սանտեխնիկայի տեղերը: Հնարավոր է, որոշ բաներ տեղափոխելու, փոխելու, ավելացնելու կամ հեռացնելու անհրաժեշտություն առաջանա: Կարևոր է նաև ճիշտ ընտրել գույնը,  նորոգման նյութերը, որպեսզի ներդաշնակ լինեն իրար հետ: Խրուշչովյան բնակարանների լոգարանի նախագծման ժամանակ լվացքի մեքենան  տեղավորելու խնդիր է առաջանում: Այստեղ մի քանի օգտակար խորհուրդներ կան` մակերեսն ընդարձակելու  մասին.

Տարածքը խնայելու նպատակով արժե մտածել հին ու մեծ վաննան(լոգարան) կոմպակտ լոգախցիկով կամ անկյունային խցիկով փոխարինելու մասին: Եթե դուք ուզում եք ունենալ թե մեկը և թե մյուսը, ապա կան նաև կոմբինացված տարբերակներ:

Եթե ձեր բնակարանում սանհանգույցն համակցված չէ, ապա կարելի է վերանախագծում կատարել, հեռացնելով զուգարանի և լոգարանի միջև պատը: Սա կընդարձակի տարածքը և թույլ կտա վերադասավորել սանտեխնիկան:

Խրուշչովյան-բնակարանում-բաղնիքի-վերանորոգում-1

Եթե լվացարանի առկայությունը լոգարանում ձեզ համար խիստ անհարժեշտ չէ, ավելի լավ է հեռացնել այն, բավարարվելով  մի ծորակով: Ընդ որում ծորակի  խողովակները կարելի է տեղափոխել այնպես, որ լվացքի մեքենան չխանգարի հասնել դրանց:

Հիմա շատ տարածված են նաև կախովի զուգարանակոնքերը և բիդեները, որոնց շնորհիվ վերանում է ներքևի հենարանը, լոգարանի տարածքը ակներև  մեծացնելով: Նաև հնարավոր է դառնում հեշտությամբ զուգարանակոնքի տակ մաքրելը: Ժամանակակից նմուշները ի վիճակի են կրել ավելի քան  200կգ քաշ, իսկ ամրացման դետալների հուսալիության  մասին կարող եք չմտածել: Այդ պատճառով ավելի լավ է զուգարանակոնքը տեղադրել  պատի մոտ:  20սմ հեռավորությունը  բավական  կլինի հարմար նստելու համար:

Զուգարանակոնքի տեղադրումը

Ներքևից անցնող խողովակները թաքցնելու համար կարող եք գիպսաստվարաթղթից տուփ պատրաստել, որը կարող է ծառայել որպես դարակ` տարբեր պարագաների համար: Այդպիսի կոնստրուկցիայի օրինակը բերված է նկարում:

Եթե լոգարանում տեղ գրեթե չկա, ապա  հարմար լուծում կարող է լինել  լվացքի մեքենան բարձր  հարթակի վրա տեղադրելը: Կան նույնիսկ հատուկ մոդելներ, որոնք կոչվում են “ֆլոպ”: Դրանք թույլ են տալիս ոչ միայն տարածք խնայել, այլ նաև ջուր`ի շնորհիվ դրա  ներսում դրված արտամղիչ տակառիկի: Հարթակը կարելի է պատրաստել ինքնուրույն: Եթե այն տեղադրվի  հայացքի բարձրությամբ, ապա լվածքը ներս լցնելը հեշտ կլինի:

Խրուշչովյան-բնակարանում-բաղնիքի-վերանորոգում-2

Խրուշչովյան բնակարանում բաղնիքի վերանորոգում. գույնի ընտրությունը

Եթե ուզում եք լավ արդյունք ունենալ, կարևոր է ճիշտ ընտրել սալիկի  գույները,  և ինտերիերի միատեսակ ոճ ստեղծել: Սալիկների գույները համադրելու մի քանի ձև կա:

Օգտագործել գունապնակի իրար մոտ գույները: Օրինակ, կանաչ և փիրուզագույն, դեղին և նարնջագույն, դեղին և բաց կանաչ, նուրբ վարդագույն և մանուշակագույն:

Օգտագործել 2-3 հյութեղ, արևադարձային գույներ: Օրինակ նարնջագույն, կանաչ, դեղին: Այսպիսի ինտերիերում ձեր տրամադրությունը միշտ բարձր կլինի, վառ մրգային գույները ձեր կյանքը կլցնեն դրական լիցքերով և սենյակը կդարձնեն ավելի լուսավոր: Եթե դուք վախենում եք այդպիսի գույներ օգտագործել ննջասենյակում կամ ճաշասենյակում, ապա լոգարանում դուք ձեզ կարող եք դա թույլ տալ:

Խրուշչովյան-բնակարանում-բաղնիքի-վերանորոգում-3

Ծովային ոճ. Կապույտի, երկնագույնի  և ավազային գույների համադրություն: Կարելի է օգտագործել ինչպես վառ, այնպես էլ ավելի մեղմ գույներ: Որպեսզի թուլացնենք հագեցած գույների կտրուկ անցումը, դրանք կարելի է կոտրել  սպիտակ կամ բաց մոխրագույն գծով: Կապույտը բոլորին չէ որ դուր կգա, այդ պատճառով պետք է զգույշ լինել, որ լոգարանը չդառնա ձանձրալի ու սառը:

Նկարին կամ դեկորին համադրվող գույն: Եթե դուք գտել եք որևե գեղեցիկ նկարազարդ սալիկ, ապա կարող եք դա դարձնել  ինտերիերի հիմնական  գույն: Հիմքի համար ավելի լավ է օգտագործել սպիտակը և սահմանափակվել 2-3 այլ գույներով, որպեսզի պատերը  շատ գունագեղ չլինեն:

Խրուշչովյան-բնակարանում-բաղնիքի-վերանորոգում-8

Խճանկարի և սալիկի համադրումը: Այս դեպքում սկզբում  ընտրվում է խճանկարը,  հետո այդ գույնի համադրությամբ նաև` սալիկը:

Սուրճ և շոկոլադ: Շագանակագույնի,սպիտակի և բաց դարչնագույնի համադրությունն է` սպիտակ ֆոնի վրա: Ավելի լավ է օգտագործել ոչ վառ գուները, որպեսզի ուշադրություն չգրավի:

Խրուշչովյան բնակարանի լոգարանը. նորոգում` <կաթով սուրճ>  ոճով

Մուգ մոխրագույն լոգարանը, ի տարբերություն շագանակագույնի, ավելի մեծ է թվում: Ավելի լավ է` մոխրագույնը համադրել վառ գույների հետ’ նարնջագույն, կարմիր, դեղին, փիրուզագույն: Կոնտրաստները`  ինտերերի  գույների համադրման տարածված ձև են: Վերցվում են երկու հակադիր գույներ` մուգ և բաց, տաք և սառը:  Ընդ որում, ցանկալի է այդ գույները ունենան  պայծառության և հագեցածության միևնույն մակարդակը: Այս մոտեցումը ավելի հարմար է մեծ սենյակներին, ուստի փոքր, խրուշչովյան բնակարաններում հակադիր գույների համադրությունը այնքան էլ  հաջող լուծում չի լինի:

Խրուշչովյան-բնակարանում-բաղնիքի-վերանորոգում-8

Սալիկի դասավորությունը

Սալիկի ընտրությունից բացի, պետք է կողմնորոշվել նաև, թե ինչպես եք դասավորելու սալիկները: Դա կարելի է անել մի քանի եղանակով: Շերտավոր դասավորություն` գույների հերթագայությամբ: Գոտիավոր դասավորություն/ քառակուսիներով, խորանարդիկներով, ուղղանկյուն եռանկյուններով, շրջանակով և այլն: Այլ տեսակի սալիկներով վառ դրվագներով: Ուղղահայց կամ հորիզոնական գծերով: Հորիզոնական գծերը ընդարձակում են տարածքը, իսկ ուղղահայացները`առաստաղն են բարձր ցույց տալիս: Հայելային դրվագներով: Որքան հնարավոր է` շատ հայելային մակերևույթներ և կետային լուսավորություն  արեք, այդ դեպքում փոքր լոգարանը ավելի մեծ ու հարմար կերևա ձեր աչքին:

Խճանկարի և սալիկի համադրություն.
11

Ինչպես կարող եք համոզվել` նկարին նայելով, կարելի է նույնիսկ ամենափոքր բնակարանը շատ գեղեցիկ նորոգել և ինտերիերը դարձնել ոչ պակաս գեղեցիկ, քան նորակառույցինն է: Նորոգումից առաջ անպայման կազմեք դիզայնի նախագիծ, որտեղ կօգտագործեք ձեր ամենաշատ հավանած գաղափարները: Ամեն ինչ նախագծով արեք և ինքնուրույն աշխատանքը ձեզ կհաջողվի:

 

ՀԱՏՈՒԿ ԱՌԱՋԱՐԿՆԵՐ