Ընտրում ենք լվացքի մեքենա

լվացքի մեքենա

Ժամանակակից լվացքի մեքենաների տեսակների բազմազանությունը, դրանց առանձնահատկությունները մեզ դժվար ընտրության առջև են կանգնեցնում։ Ինչպե՞ս ընտրել լվացքի մեքենա,  ի՞նչ պետք է հաշվի առնել ընտրելիս, որպեսզի լինի հուսալի։ Ահա այս մասին էլ կխոսենք մեր հոդվածում։

Առաջին հերթին պետք է ուշադրություն դարձնել մեքենայի տեսակին ու չափերին։ Նախքան ընտրելը մտածեք, թե որտեղ պետք է տեղադրվի լվացքի մեքենան ու ըստ դրա կողմնորոշվեք։

Լվացքի մեքենաները լինում են երկու տեսակի՝
Դիմային ներբեռնում (դռնակը գտնվում է առջևի մասում)
Վերին ներբեռնում (դռնակը գտնվում է վերևի մասում)
լվացքի մեքենա 2

Ներբեռնման ծավալը

Ընտրություն կատարելու ամենակարևոր նախապայմաններից է ներբեռնման ծավալը։ Այն անմիջականորեն կապված է տեխնիկան շահագործող մարդկանց քանակով։

Ըստ հետևյալ հաշվարկի՝
1-2 հոգու համար բավական է 4 կգ ծավալով լվացքի մեքենան
3-5 հոգու համար՝ 6 կգ
5-ից ավելի մարդկանց դեպքում՝ 8-9 կգ

Միշտ չէ, որ մեծ ծավալի ընտրությունը լավագույն լուծումն է․  ինչքան տարողունակ է տեխնիկան, այնքան մեծ տեղ է գրավում ու շատ էներգիա է ծախսում։ Քանի որ քիչ քանակի հագուստի դեպքում էլ է խլում նույնքան ջուր ու էլեկտրաէներգիա, որքան 8 կգ-ի դեպքում։

 

Գործառույթները

Ժամանակակից մոդելներն ունեն տարբեր ռեժիմներ (ջերմաստիճանի փոփոխություն, արդուկում, քամում)։

  • Հոսանքի խնայողություն
  • Հատուկ ռեժիմներ
  • Զգույշ լվացում
  • Լուռ լվացում
  • Գոլորշիով լվացում
  • Չորացում

Կառավարման հնարավորությունները
լվացքի մեքենա 3

Լվացքի մեքենայի կառավարումը կարող է լինել մեխանիկական և էլեկտրոնային։
Մեխանիկականի դեպքում բոլոր կարգավորումներն արվում են ձեռքով կոճակների ու պտտվող հոսանքափոխիչների միջոցով։ Սա գործում է հին կամ համեմատաբար ավելի մատչելի լվացքի մեքենաների դեպքում։ Էլեկտրոնայինի դեպքում օգտագործողն է ընտրում ռեժիմը, իսկ մեքենան ինքնուրույն ընտրում է լվացման կարգավորումները։ Սրանք բնորոշ են ժամանակակից տեսակներին։
Մեխանիկական կարգավորումով լվացքի մեքենաներն ավելի պարզ կառուցվածք ունեն ու ծառայում են ավելի երկար, քան էլեկտրոնայինները։
Լվացքի մեքենաները բաժանվում են դասերի՝ А-ից (բարձր) մինչև G (ցածր): Ընտրելիս պետք է ուշադրություն դարձնել, որ տեխնիկան բոլոր պարամետրերով համապատասխանի А դասին։
Լվացքի մեքենայի աղմուկը պայմանավորված է նրանով, թե ինչ նյութերից է կառուցված բաքը։ Այն հիմնականում կառուցվում է պլաստիկայից կամ չժանգոտվող պողպատից։ Իհարկե, պողպատն ամուր ու հուսալի տարբերակ է, բայց աղմուկն ավելի մեծ է։ Բացի սրանից, աղմուկը կարող է կախված լինել շարժիչից։ Կարող եք ընտրել այնպիսի տարբերակներ, որոնք աշխատում են լուռ լվացման ռեժիմով։ Լվացքի մեքենաների որոշ տեսակներ գործողության ընթացքում տեղաշարժվում են, ինչը պայմանավորված է դրանց չափերով՝ որքան փոքր են, այնքան շարժուն են։ Դա կարելի է կարգավորել ոտիկների միջոցով։

ՀԱՏՈՒԿ ԱՌԱՋԱՐԿՆԵՐ